2020-07-22

2K

是日大暑!小編推介消暑必讀食譜 自家製消暑湯水飲品

是日大暑,「炎炎夏日」真係講到口都攰,與其坐喺度大汗搭細汗,不如搵下有咩消暑好方法!但鑑於疫情關係,大家都唯有盡量留在家中,講到去泳池、海灘游水消暑,似乎都要忍一忍!

但如果畀小朋友密密食雪糕、飲凍嘢消暑,又好似唔多健康;想消暑又健康就要靠媽媽出手煲吓湯水、整吓健康飲品啦!其實坊間好多自家製簡易湯水同飲品都可以消暑,依家就嚟睇下胃口小編有咩推介啦!

更多文章:【幼兒湯水食譜50款】媽媽入廚秘笈 袪濕、清熱、滋潤各具功效

沙葛豬骨湯:

夏天熱辣辣,除咗煲冬瓜湯,仲有咩湯水可以煲?唔知呢個沙葛豬骨湯又啱唔啱你小朋友口味?其實沙葛唔止可以用來煲湯,仲可以用來炒菜添架!

詳文請按:小JM料理台。消暑湯水。老少都啱飲!沙葛豬骨湯

山楂蘋果茶:

蘋果具有生津止渴、潤肺除煩、健脾益胃、養心益氣、潤腸、止瀉、解暑、醒酒等功效;山楂有利於降血脂,且有抗氧化功效,降低動脈粥樣硬化風險。而且山楂嘅酸味有助於增加唾液分泌,消暑解渴!

詳文請按:【消暑止渴】山楂蘋果茶

無添加解暑涼茶:

為咗仔女有健康嘅體魄, 必需從日常生活入手,每日要飲8杯水之餘,夏日熱辣辣,最適合就係為家人煲定啲無添加涼茶,放涼雪凍就可以告別紙包罐裝飲品啦!

詳文請按:【消暑清熱】五款無糖無添加解暑涼茶

冬瓜水:

好嘅湯水都對於小朋友嚟講,真係好緊要,媽媽教路清咗濕毒就自然無咁易病啦,而講到去濕消暑,就梗係要介紹大暑最啱飲嘅冬瓜水!

詳文請按:【去濕消暑抵流感】冬瓜水

冬瓜薏米鱈魚膠鯽魚湯:

鯽魚有補益脾胃、利水消腫的功效;冬瓜有利水消痰、清熱解毒的作用;粟米可提高孩子免疫力、預防感冒及促進腸胃蠕動;蜜棗補氣及止咳潤肺;薏米利水清熱;鱈魚膠仲有養顏美容功效!

詳文請按:【幼兒湯品】清熱解毒 冬瓜薏米鱈魚膠鯽魚湯


相關文章

緊貼新冠肺炎最新相關資訊