2014-09-03

56.8K

自家製作:紅菜頭湯

kinsey04

早前姨媽嚟探小豬媽嘅時候,買咗好幾個手掌咁大啲紅菜頭俾小豬媽煲湯飲。啲紅菜頭真係好大個,所以就煲個既簡單又好有益嘅紅菜頭湯啦!

 

kinsey01

其實我哋之前都唔識煲紅菜頭湯,唔好話煲就連聽到好少聽,係小豬媽針灸嗰位醫師介紹,我哋先識煲呢個湯。

 

原來一個簡單嘅紅菜頭,佢嘅功效都好廣,可以補血養顏、護肝排毒。真係任何人都可以飲,連小朋友都可以飲呀!

 

材料都係非常簡單,只係一個紅菜頭如果係普通街市冇大嘅,就可以用兩個細代替)、番茄五粒、薑兩大舊!

kinsey02

 

先將紅菜頭去皮切塊,成個紅菜頭都好有營養,所以啲葉同莖都一樣可以拎埋嚟煲湯呀!

kinsey03 kinsey04

 

番茄切開四件!
kinsey05

 

薑連皮切開一半,之後拍鬆佢備用。其實薑係可以因應個人口味加減,由於我鐘意薑嗰種辣辣哋嘅口感,所以先咁多啦!

kinsey06

 

隨水將紅菜頭及薑放入煲內開始煲!

kinsey07 kinsey08

 

煲咗大約二十分鐘之後,就可以將蕃茄加埋入去煲!
kinsey09

 

最後再用中火煲多大約四十五分鐘,之後落少少鹽!

kinsey10

 

一個簡單又有益嘅紅菜頭湯就完成,除咗可以有湯飲之外,啲湯料都一樣可以食呀!

kinsey11

 

老實講,呢小豬媽開頭煲嗰幾次,我都唔多肯飲,只係好勉強咁飲咗一碗,因為都真係唔多習慣飲咁"紅"嘅湯。不過飲多幾次,又發覺又真係幾好飲,加上又可以排毒咁有益,所以呢家每次煲嘅時候我都會自動自覺咁大大碗飲幾碗呀!

 

其實好多朋友都有加埋肉嚟煲,不過針灸師話最好有營養就係只落呢幾樣簡單材料,有需要時就加埋紅蘿蔔同粟米就得啦!

 

【編按:以上內容為作者之個人意見及立場】

相關文章

【媽媽護膚】懷孕期間免疫力較弱 患疣影響到寶寶的健康?

【新冠肺炎】簡單易整又慳錢 教你DIY四款口罩收納夾

【新冠肺炎】全球停學引發跨世代災難 聯合國警告:弱勢社群風險最高!

【新冠肺炎】夫妻被迫分隔異地 丈夫無法見證孩子成長

緊貼新冠肺炎最新相關資訊