2019-10-07

576

時下流行STEM教學~~3歲可以開始玩的Tinkererbox小玩意

呢個時代嘅教育流行乜野呢?

相信好多小學都應該有 STEAM 課程 ( Science, Technology, Engineering, Art, Mathematics ),係一個結合科學、技術、工程、藝術,及數學嘅跨學科教學方法。

我仔女間學校,每星期都有 STEM 堂,亦係佢兩個最喜歡上嘅堂 。哥哥由一年級開始,到宜家四年級,每個學期都有唔同主題,小朋友透過動手做,發明一些小玩意,再加以討論及研究,從中學習物件結構及原理。近來,我發現咗一盒叫 Tinkererbox 嘅 STEM 教材,就買了兩盒,我諗哥哥妹妹一定會鍾意。

Tinkerer STEAM box分三個年齡層:3至5歲 Wonder、6至8歲 Odyssey、9至12歲Explorer。每個年齡層有唔同難度,組件數量亦唔同。而每盒 Tinkererbox 都有英文說明書,圖文並茂。

先分享哥哥的 Repeating Crossbow,屬於 Explorer 組別,組件較多。部件分成三包,分別砌弓柄、弓身及裝飾配件。

哥哥一向喜歡呢類組裝科學玩意,自己睇住說明書,由零開始砌,砌咗約大半小時。

妹妹期間亦有幫手,提提佢點砌。

砌完好喜歡呀,幾乎每日都拿出來玩。

至於妹妹果盒,係Odyssey嘅Anatomy,就像可愛版嘅人體解剖學教材,入面有拼布、粗繩、衫鈕、貼紙等,透過拼拼貼貼,令小朋友認識人體內臟嘅位置。加上顏色豐富,特別吸引。

妹妹嗜好係做小手工,佢好有心機「縫合」布料及衫鈕,呢個步驟幾考小朋友手肌及耐性,一圈接一圈穿線,要專心慢慢做。

縫合後,貼上眼耳口鼻貼紙,自由設計裝飾。

整好呢件「衫」,穿上身,好可愛呀,主要嘅內臟位置一目了然,妹妹仲將佢掛上衣架,好好珍藏!

另外,仲有一個附加小玩意,用 X-Ray嘅概念,利用一張夜光膠片,同埋電筒,就會發生神奇效果。

另外,Tinkererbox附有一本 Explore Magazine,介紹呢份玩具嘅小故事,例如哥哥果本就講解弓嘅由來、用途,同埋發射原理。

妹妹的就介紹人體器官、細胞、染色體等,仲有小遊戲可供填繪。

Tinkererbox,係一件好值得推介嘅嘅 STEM 教材玩具。將學習融入遊戲中,透過了解製成品嘅結構,幫助小朋友認識物理原理,發展對科學探究嘅興趣。動手製作亦有助加深印象。足不出戶,都可以比小朋友體驗 STEM 樂趣,有興趣可以上官網訂購的。

【Tinkererbox 網頁】
http://www.tinkererbox.com

【編按:以上內容為作者之個人意見及立場】

相關文章

【親子好去處】Techbob Discovery Center 屬於大細路的 STEAM Playroom

【幼稚園入學】0—2歲必備的10款益智幼兒玩具

【幼稚園入學】K1面試必備!TOP 10教育玩具