2018-02-26

6.6K

【惡就大晒?】帶BB食自助餐 成班父母屈酒店送蛋糕慶生

buffet_cake2

有家長食自助餐時遇上一班「極品怪獸家長」!

嗰位家長近日喺網上討論區話,趁放假同屋企人去酒店食自助餐,附近有張枱坐咗大約12、13個成年人同11個BB。食食吓,嗰班怪獸家長同酒店職員嘈,其中一位女士自稱成日幫襯嗰間酒店,話佢哋有兩個BB生日,要求酒店送兩個蛋糕幫BB慶祝。酒店職員先道歉,再好有禮貌咁表明公司冇生日優惠,亦冇送蛋糕優惠。點知,班怪獸家長面皮厚過地殼,再有另外一女一男先後大大聲話要投訴職員啲服務態度唔掂,話職員一句對唔住就想推咗客人要求,搞到職員眼紅紅。最後,經理出面調停,竟然真係送咗兩個蛋糕畀班「怪獸家長」打包拎走……

好多網友睇完呢班極品怪獸家長嘅行為,都怒斥佢哋Cheap到爆,甚至冇資格做人父母!明明自助餐已經有精緻甜品蛋糕任食,但佢哋嫌自助餐枱嗰啲已經切好晒,竟然要人喺廚房攞兩個未切嘅出嚟送畀佢哋,而且有錢食自助餐但竟然冇錢買蛋糕?真係超級核突!唔少網友留言鬧佢哋簡直影衰香港人,亦喺仔女面前做咗壞榜樣,擔心佢哋教出嚟嘅仔女只會變成一堆「有公主病無公主命」嘅貪小便宜之人!

有網民認為酒店經理唔應該屈服,否則只會助長呢種無賴,令佢哋變本加厲,繼續喺其他地方用投訴嘅方法換取利益。不過,其他家長就覺得,職員同經理都只係打份工,為咗息事寧人,讓步都好正常。

嗱,亦都有網民「讚」呢班怪獸家長咁都做得出係真心勁。正所謂「人若無恥,天下無敵」,佢哋又真係面皮厚到世間罕有,Juicy媽都不得不寫個「服」字畀佢哋。

不過,講到教仔,Juicy媽一向都堅持身教。小朋友會學足父母嘅一舉一動,所以我一直都努力做好榜樣,過馬路唔衝紅燈、搭車會讓座畀有孕婦或老人家等等。除咗呢啲小小公民意識,大是大非亦同樣重要,如果Juicy媽係嗰位酒店經理,旣然道理喺我哋呢邊,我一定會據理力爭,撐嗰個全程保持禮貌嘅小職員,點都唔會向班怪獸家長妥協,最多咪報警!哼!

即刻Click入討論區一齊傾

【編按:以上內容為作者之個人意見及立場】

相關文章

【懂事小孩】8歲仔生日自製免費食物櫃 疫情下為街坊送暖

【育兒必學】父母不改掉這5種行為 保證影響子女的一生!

【父母身教】2歲兒玩具車掉破新電視 爸爸不罵反耐心教育 理解兒子背後暖心原因!

仔女被欺負 超高EQ媽媽冷靜處理 網民大讚「身教」做得好!

緊貼新冠肺炎最新相關資訊