2017-11-22

1.7K

大自然印記

20171122_NATURE

有日,米仔看著小米的臉,觀察了一會。

米仔:「媽咪點解你塊面咁多黑色一點點嘅?係咪污糟咗呀?」

小米:「唔係,呢尐叫雀班,係太陽伯伯嘅日記。」

米仔:「吓?咩日記呀?太陽伯伯會寫日記架咩?」

小米:「係呀,大自然會用佢嘅方式記低你同佢一齊經歷過嘅事架。例如左邊呢一點,係記住有一次我哋去沙灘游水同堆沙,嗰次我仲堆咗個雙層生日蛋糕。右邊呢點係記住我有次去山頂公園同好朋友一齊玩飛碟,仲流咗好多汗。上面呢點係有一次我去踩單車,乘著風踩單車,太陽伯伯就算太興奮曬過頭都唔會覺得熱。」

然後,米仔指著我的鼻。

米仔:「咁呢點呢?」

小米:「呢點係有一次去到台灣的阿里山,我零晨天未光就走上山等太陽伯伯起身,等佢一打開眼就見到我同佢打招呼。你記唔記得呀?你嗰次都有一齊去架。」

米仔:「我梗係記得啦,但係點解我面上無點點嘅?」

小米:「因為你而家仲記得囉,但係,當時間過咗好耐好耐之後,如果大自然覺得你可能唔記得咗呢尐咁珍貴咁快樂嘅時光,佢就會喺你面上點一點,提提你曾經去過咁美好嘅地方,同太陽伯伯一齊做過好多好多開心嘅事,希望你可以記得佢,得閒去探下佢囉~」

米仔:「嗯!我一定會成日探佢架!」

 

【編按:以上內容為作者之個人意見及立場】

相關文章

【點到你唔服?】廿幾個有趣 (又妙絕) 的兒童邏輯

【農場學習】有空請多帶小朋友到戶外走走

溝通從小開始:大女「枕頭計」細女「估歌仔」

【童言集:冇事!】

緊貼新冠肺炎最新相關資訊