2019-08-25

915

學習整理收納

唔知係咪年紀問題,妹妹雜果間房成日都有點混亂。就算每次佢執完房,唔使一星期,佢又儲咗一堆東西係張枱及書櫃。我會叫佢自己執,但佢見家姐沙律房間執得整齊,佢見到自己的東西就表現得好氣餒。我和家姐都教佢如何分類放好東西,但佢始終有點亂。

前幾天去書店見到一本關於《整理收納》書本。書本由日本人著作,以漫畫及文字輕鬆教小朋友如何執拾屋企的訣竅,由書枱、衣櫃、書包到學校書枱都有。一步一步嘅步驟,令小朋友覺得執東西猶如玩遊戲一樣有趣。本來我覺得執嘢使乜買書睇,但佢教嘅方法又真係幾好又實用,例如:衣物摺疊方法,有啲我都想跟佢做。見雜果咁有決心執拾其房間,於是買咗一本。

返到屋企,雜果當然跟住執,但估唔到連平時執拾整齊嘅沙律都跟住做,佢仲大讚書內方法超級好。兩姊妹這幾天翻箱倒籠收拾房間,我沒有參與任何行動,之後打開佢地嘅衣櫃及書櫃,嘩!我想話好整齊,尤其家姐,而妹妹的書枱櫃也改善了很多,沒有混亂情況。

沙律房間

雜果房間

書本更教小朋友如何管理個人東西及思考善用時間,由於配合好多精美可愛嘅漫畫插圖,令小朋友增加大大興趣。推介!

作為女孩子,我也希望雜果沙律能自動自覺收納整理東西,珍惜身邊事物,成為一個井井有條的人。

【編按:以上內容為作者之個人意見及立場】

相關文章

疫症下的苦學生 自律自學一樣可以應付「呈分試」同「DSE」?

【收納教路】衣櫃收納整整齊齊! 4款衣架功能大公開

【收納教路】顏色分類?貼標籤? 兒童玩具實用收納法

【轉季收納】為回南天做好準備!衣物防潮、防霉5大貼士

緊貼新冠肺炎最新相關資訊