2019-12-02

738

小一問媽咪攞零用錢,網民:唔畀會出事! 4個方法教子女理財

大家仲記唔記自己細個幾歲先開始有零用錢?由幼稚園升上小學後,好多學校都設有小賣部或者自動販賣機,小朋友會開始見到同學仔、高年級嘅師兄師姐襯小息嘅時候拎住零用錢去排隊買嘢食,令小小人仔內心產生咗對金錢嘅渴求,於是開始問爸爸媽媽:「可唔可以畀錢我買嘢食呀?」俾着係你,會點樣回應呢個要求呢?

討論區有媽媽就正正遇上呢個難題,佢囝囝讀緊小學一年級,樓主本身打算等二年級先開始畀零用錢,但囝囝見到其他同學仔都有錢小息買零食,於是同媽咪講咗好幾次,話好羨慕啲同學。樓主雖然想按照原定計劃等到阿仔二年級,但又驚阿仔心入面會鬱住鬱住唔開心,於是就開帖問吓其他JM嘅意見。

討論區熱話:關於小一零用錢 

對於幾歲開始畀零用錢、畀幾多同埋隔幾耐先畀,真係個個家長都有唔同做法:

「每日畀$10蚊零用」
「一星期只會畀10蚊」
「$5 /日,或隔日畀$5」
「畀我會一星期$15」
「我畀佢一星期買一次,$10以內」
「天天做完功課畀$1佢自己儲起,夠錢先買」

「我個仔係中一先開始有零用,一直冇問題」
「我兩個小三先有零用」

網民:小朋友其實「想買」多過「想食」

留言中更加有家長表示每個月都會畀$200讀緊小二嘅小朋友作為零用錢。不過,有家長話根據個人經驗,發覺如果唔畀零用錢小朋友,會好容「出事」,小朋友可能會問同學借,或者偷偷帶四大長老畀嘅零用錢返學校。亦都有網民指出,好多時小朋友係「想買」多過真係「想食」小食部嘅嘢食,小朋友想體驗親自用金錢買到一啲物品嘅感覺,從而覺得自己大個仔、大個女。

推遲畀零用錢真係有用?

其實家長對小朋友零用錢嘅煩惱,無非都係驚佢哋唔識儲錢,亂咁洗,結果養成「大花筒」嘅習慣,學其中一個留言話:「孩子的慾望永無止境,小一向你要零用錢,他成功爭取後,下一個目標應該係手機。」既然慾望係永無止境,咁就算等到小朋友高小,甚至升上中學,佢哋對零用錢嘅渴求都一樣只會有增無減,有專門教兒童及青少年理財嘅專家提出,最理想嘅理財教育,其實應該由BB時期開始。

1. 從小教理財

細細個就教佢哋「要珍惜」同埋「勿浪費」呢兩個基本概念,加埋爸爸媽媽以身作則,令「慳家」呢個諗法植根喺佢哋心入面。按此看全文

2. 先儲後使

無論家長畀幾多金額小朋友,由畀之前已經要同佢哋約法三章,講明要先儲起部分零用錢,淨低嗰啲先攞嚟用。按此看全文

3. 動作教學

對於小朋友嚟講,具體嘅動作絕對比抽象嘅概念更容易留下深刻記憶,家長可以參考親子理財專家李錦的建議,由淺入深。按此看全文

4. 慎用八達通

好多人會貪方便同時用八達通嚟畀交通費同埋日常生活其他開支,但其實對於仲學緊理財嘅小朋友嚟講,咁樣做會令佢哋嘅數目變得混亂,學唔識理財!按此看全文

 

更多文章:【從小學理財4】長輩送錢點做好?專家教你拆解零用錢難題!

【編按:以上內容為作者之個人意見及立場】

相關文章

【學童營養】這方法可讓孩子乖乖買健康零食!妙用零用錢教兒童理財