自組Messy Play活動分享

2019-04-30 978


雖然柏宇仔係行BLW,但由7個月大起,我就有帶佢去玩Messy Play,等佢接觸多d唔同既觸感,刺激感官,有助腦部發展,初初細個既時間,咩都唔怕,面對乾/濕麥皮完全唔怕,仲會走去食,對麵粉、生粉水之類一樣都唔怕,我完全會俾佢自己玩自己探索。

但佢當開始大個,接近1歲左右,再次玩返同類型既物件,會感到害怕同唔鐘意(老師話因爲大個左,識多左野,所以面對唔鐘意既事先就會反抗),所以老師話要多d接觸,慢慢增加接觸既時間同次數,等小朋友習慣,去克服,等佢慢慢接受,發現其實該感覺其實冇佢想像中咁唔舒服。

除左感官刺激之外,Messy Play都有好多唔同既好處,例如:

1。自主學習、自我探索
Messy Play冇特定既玩法同特定既材料,所以小朋友可以從中自由自在地玩,每個小朋友既玩法都唔同,得著亦唔同,亦可以發揮佢地既好奇心、專注力、創意力同自我解難能力。

2。社交能力
玩樂既過程中,需要同其他小朋友交流一齊玩,學習互助合作、禮讓,另外可以從過程中讓小朋友互相學習。

所以現在就會定期同一班北區BB偽Playgroup既媽媽舉辦Messy Play,而今次主題就係海洋世界,俾小朋友做多d感官刺激發展。

是次活動由每位媽媽各自帶一種材料出黎俾小朋友玩,多數都係食得既材料,因為比較安全。

材料如下:

1。彩色米
(做法:將一杯生米加入1/2茶匙醋及幾滴食用顏料混合,再拎去焗爐,200度焗5-10分鐘至乾透再放涼即可,如果冇遇到水氣,可重複使用。)

2。彩色意粉
(做法:將意材煮熟,加入食用顏料混合即可,如果唔用食用顏料亦可以購買本身有顏色既意粉)

3。絨毛條
(將絨毛條圈成圈狀)

4。飲管

5。乾通粉

6。奶粉+水

7。乾麥皮

8。麵粉

9。Ice Painting
(將食用顏料加入水中混合,倒入冰粒格再放上雪條棒,雪成顏色冰粒)

好多謝今次各媽媽既用心製作,小朋友們都玩得好投入,之後都要每月玩一次

當中有幾位小朋友要慢慢再適應下,包括柏宇仔極度害怕麥皮、麵粉同奶粉+水,意粉初初都肯,但之後又係癲左。而柏宇最愛既係Ice Painting,凍凍地,又愛玩水。

為左克服柏宇仔既觸感敏感,已經準備好麥皮同佢沖麥皮涼,等佢玩水既同時慢慢克服,另外都會同佢玩多d Messy Play。

除左參加坊間不同機構舉辦既Messy Play之外,有興趣既都可以同附近志同道合既媽媽自組,又可以平d玩,場地可以選擇附近既體育館活動室或者係會所,Set場方面可以墊上枱布同防水野餐墊再加上細盆或細充氣水池,方便清潔,而材料可以參考以上或上網尋找。如有問題都可以同我交流下。共勉之。