2017-02-23

9.3K

Friend 就會叫您做「喂!」

wei

前幾天為了補給物資,到了教師購物集中地,進了大門以後,有一張紙,上面寫著現時香港教師的薪水表。站在我旁邊的朋友向我潑了冷水,說道:「點解人做老師你又係老師,你仲攞緊綜緩咁!」

 

我無言以對,我的確同別人想像中的老師有別,但當我一面購物,一面聽到那些不斷投訴學生煩厭,學校內的政治鬥爭,我慶幸自己係攞緊綜援但內心富貴。

 

因為我有一班細我二十年都同我玩到癲嘅朋友仔!

 

經過寒暑,我同學生嘅關系似乎真係要老套地講句:「friend過打band!」。當然我無忘記到做老師應該要教好學生嘅責任,但輕鬆愉快嘅相處之道依然係我地工作室最堅持嘅一個「家法」!

 

有時當您同一班知己良朋歡聚嘅時候,佢地會叫你全名仲有豪情壯志地叫聲你做「喂!」喺Studio嘅歡樂氣氛下,依排有個學生叫我地嗰時有點短暫失憶,叫咗我地做「Miss.......喂」。

 

當下我地都只顧捧腹大笑,都忘記咗「喂!」完之後,總要同小伙子解釋一下稱呼老師的禮節。但係當嗰一下叫到過黎嘅時候就有種甜味,一種親切而充滿感情的味道。

 

作為一個教育者,我無法滿足到所有孩子嘅成長需要,但做到佢尸地既一個同路人,的確係緣份。對住班小鬼頭,每個星期都好似有講唔完嘅話題咁,有時明明上兩個星期傾過外太空傳統,今個星期重覆返依個話題都好似唔覺悶咁,同我地成年人所講嘅知己好友一樣,十年前嘅醜事,講二十次都唔會厭一樣,明知前因後果,但聽到總係會出現同一個笑容。

 

而聽佢地講野,聽幾多次都不至厭煩。

 

【編按:以上內容為作者之個人意見及立場】

相關文章

唔想子女「機不離手」?3個階段放寬子女用手機

凱莉山國際幼稚園的聖誕

【親子好去處】同子女一齊製作木飾品

爸爸必睇!社工教你3招變成「神隊友」 愛妻湊B冇難度!

緊貼新冠肺炎最新相關資訊