2018-12-23

1K

【包包去哪兒 の 橫濱 ★ 麵包超人博物館 】(附旅行Checklist)

細佬b一歲生日 終於的起心肝決定帶二寶衝出香港  順便慶祝一下

較早前於包包生日時已預習過澳門兩日一夜之旅  二寶尚算配合

有見及此  膽粗粗特選親子旅遊熱點 - 日本 展開瀛遊東京之旅

幸好旅途有屋企人幫忙照顧  原來帶二寶去旅行絕不簡單

首先從執行李開始已經好似螞蟻搬家一樣

奶粉尿片水奶樽平安藥箱衫褲鞋襪babyfood等 已接近40kg行裝出發

同大家SHARE下BB行李CHICK LIST

*如行李尚有QUOTA 可考慮自攜旅行水煲

*另需帶備平日外出用的奶粉袋於機上使用

由於到日本機程約4小時  建議帶備小玩具   零食及水給小朋友KILL TIME

如適逢機程是小朋友訓覺時間     恭喜爸爸媽媽哦!

去程的細佬B有如天使般.....回程卻遇上氣流.....扣BABY SEAT時更弄醒little monster

*對於小朋友在機上的煩擾哭鬧聲    在此向回程航班的同行者致歉

話說出發前爸爸問包包想去Disneyland定麵包超人館

包包妙答: umm....不如帶埋Mickey去麵包超人館吖~

*有創意   媽咪最鐘意

雖然已多次到日本旅行    但今次與屋企人及兩位寶貝用行 必須計劃簡單輕鬆的行程

除了能兼顧屋企人所需之餘  同時也要滿足小朋友親子 時間

所以今次主打同大家分享親子必去推介

EP1. 包包去哪兒 の 瀛遊東京

上次去完福岡麵包超人館 包包就愛上麵包超人

原來哩個超人係由豆沙麵包做成的   係個剛強善良既正義英雄

而家當包包有不當行為   我就會借麵包超人過橋   話麵超唔鐘意小朋友咁做架

包包因為見過佢真人  又真係信   仲會聽話唔做   *唔知您地既小朋友又work唔work呢?!

左:麵包超人豆沙包      右:細菌小子朱古力包

包包萬分期待今次旅程的第一站 - 日本橫濱麵包超人博物館    就連細佬b都相當興奮~

入場費: 1歲以上及大人  1500YEN (約HKD$105)   *未滿1歲免費

付款後小朋友更會獲得小小紀念品  *今次這個     有別於年頭到訪福岡麵包超人博物館時的日式搖鼓款式呢!

大家要記得留意所有活動時間   入場時便要拎定宣傳單張看清楚嚕~

橫濱麵包超人博物館 1/F

為免再次錯過~今次第一時間先去參加麵包超人的生日會!

日本家長們為了有利位置  早於半小時前便在劇場外排隊等候

入劇場時更會派發生日帽   短短的15分鐘小劇場互動充滿娛樂性

主持人先跟小朋友大唱主題曲WARM UP    之後再一大堆日文~Anpanman (アンパンマン).....

完show後~最最最重要的時刻  就是可以同各位超人抱抱合照

*包包實在太現實了   豆沙包超人好可憐哦~ 最愛的還是主角呢!

參加完生日會   包包就即衝出去玩滑梯

日本的小朋友真乖  會自覺地排隊 ( 沒什麼比教養更重要)   讚!

準備外出玩彈彈波時   野生捕獲細菌小子 ♥

橫濱麵包超人博物館 2/F

一上2/F就會見到麵包超人畫廊    自小培養美感是很重要的~

之後就會見到小齡兒童耍樂區   由於日本電視也有報導德國麻疹肆虐  有二千幾人感染

細佬B又未打德國麻疹針   所以都冇帶佢地去玩

包包巧遇紅精靈   又要集郵了

哩層其實同福岡麵包超人博物館雷同

有模擬壽司店俾小朋友大玩特玩

包包見到假既SUSHI都流晒口水~~為食包

行下行下就會見到有一班小朋友圍埋做勞作

原來係一個DIY麵包超人/細菌小子聖誕帽WORKSHOP

絕對唔駛驚言語不通  日本姐姐愛心滿瀉   請放手讓妳的孩子試著做   才是真正的旅遊體驗!

製作此聖誕帽工作坊  真的十分推介給小朋友參與

當中包括貼貼紙  塗漿糊  畫線  創作   就連米高媽媽都好想玩

同層仲有這架叫(SL人)的火車

橫濱麵包超人博物館 3/F

唔講唔知麵包超人角色多到攞金氏世界紀錄第一獎

麵包超人購物商場 - 地下   (免費入場)

如果小朋友想去日本修剪最潮髮型   可以去麵超兒童髮廊體驗一下

等候時  還有一系列麵包超人兒童圖書呢!

仲有聖誕版麵包超人紅豆包    火速售罄

指定時間廣場仲有麵包超人大伙兒DANCING SHOW   不過由於趕時間約左屋企人會合晚餐

所以唯有用餘下時間去店內掃貨   又敗家了....

原來2007年開幕的橫濱麵包超人兒童博物館&購物商場將於2019年5月結束營業

預計19年夏天在原址附近的橫濱港未來61街區重新開幕  (資訊來源)

大家可以明年計劃一個到訪全新橫濱麵包超人博物館的潮聖之旅

【編按:以上內容為作者之個人意見及立場】

相關文章

緊貼新冠肺炎最新相關資訊