2019-09-14

1.1K

【親子好去處】懷舊茶座 x 飛機餐兒童餐 | 機動遊戲 x 電子動感遊樂祭

MegaBox係我哋經常去嘅地方,因為呢到親子友善配備做得好好。今次我趁住放假,帶咗和牛B去到位於9樓嘅「九五茶座 放宮樂園」。

因為最近佢哋舉行梗「電子動感遊樂祭」,有多部新款嘅遊戲機進駐,購買一小時門票就可以任玩區內嘅遊戲,可以比1位小朋友+1位大人進場任玩,另外再送每位20個遊戲幣玩其他遊戲。

而購買升級版門票仲附設『九五茶座親子飛機餐』,一張門票,兩種享受,有得食有得玩!真係一個唔錯嘅放電好去處呀!

門票只需$120 (1大1小進場免費玩遊戲),星期六、日及公眾假期價錢為$140。
升級版門票$150 (1大1小進場免費玩遊戲及享用『九五茶座親子飛機餐』),星期六、日及公眾假期價錢為$170

呢到有多款電子遊戲、賽車、掟波波、旋轉木馬、掟彩虹之外,玩到攰仲可以去到店內嘅「九五茶座」嘆返個下午茶,休息一陣再玩過。

經典街機遊戲PONG

PONG可以話係電子遊戲歷史上第一個嘅街機電子遊戲,玩家可以通過圓型移動器來控制遊戲中嘅槳,與另一玩家競爭,當其中一方不能把球回擊到另一方時就會落敗。

為紀念呢款經典遊戲,今年年底「放宮樂園」仲會主辦一個【King of Pong】比賽,參賽者除成人組仲會有親子組,勝出比賽會有豐富奬金奬品添呀!

入面嘅遊戲大部份都適合小朋友,當然都有遊戲係啱大人參與o架啦~

仲可以同爸爸對戰玩揸船比賽~

^ 旋轉木馬

^ 氣墊球

^ 扑青蛙遊戲

^ 大量機動遊戲

^ 掟波波遊戲

^ 考你音律節拍嘅遊戲

^ 保齡球

^ 大人最愛嘅射籃桌戲

趁住「電子動感遊樂祭」,一個價錢入場任玩,和牛B都玩咗好多遊戲呀~你睇佢幾開心!

然後梗係要兌返啲金幣玩掟彩虹同夾公仔啦~

^ 掟彩虹

^ 夾公仔區

而家做新會員,仲有7大優惠,千祈唔好錯過啦!

入會仲即刻送一堆優惠券同餐飲券,同埋迎新禮物(客人自己選擇)。

^ 會員卡

除咗近期有《電子動感遊樂祭》套票出售之外,亦有一般代幣谷換。

呢到亦有積分換領站~

玩完一輪,再去店內「九五茶座」嘆返個下午茶,休息一陣再玩過。

懷舊冰室設計,真係好似返咗去80年代呀。

餐廳選擇都有唔少,亦有下午茶餐。

^ 菠蘿芒果爆珠沙冰(左)、藍莓百香果沙冰(右)

^ 至尊焗肉醬意粉 (好好味,好香濃)

^ 脆爆豬扒包 (個包烘到脆卜卜,好脆口)

^ 飛機小食拼盤 (絕對係小朋友最愛呀!!),加$10仲有個懷舊雜果啫喱 **有雞翼、薯條、春卷、吞拿魚三文治

店內仲有好多懷舊經典嘅玩具同埋零食,真係回憶都返晒嚟呀!

仲有熊本熊口水肩、日本動畫人物精美T-恤以優惠價發售。

^ 特式小食

讀中學時代,必抽嘅YES閃卡!!講起都覺得自己老餅呀 (哈)

最後,我哋仲帶咗唔少零食、親子Tee返屋企添呀~~

【九五茶座 放宮樂園】

 

地址:九龍九龍灣 MegaBox 9F-23
查詢:2458 6032、9136 7735(Whatsapp)
茶座營業時間為:8AM-6PM
樂園營業時間為:11AM-9PM (樂園星期五六及公眾假期前夕為11AM-10PM)
https://www.facebook.com/95cafeOffworkKingdom/

【編按:以上內容為作者之個人意見及立場】