2015-12-03

3.3K

【親子旅遊】小時侯認識小社會(下)

kim_1

呢個場面喺電視新聞就見得多啦!

掉蕉、掉水杯、飯盒會、拉布……等等,

今日終於親身踏足立法會啦。

 

上次我哋去過兒童學習室之後,

今次我哋補番上次錯過咗嘅立法會教育導賞團,

今朝我哋喺屋企食過早餐之後兩兄妹就手拖手出發。

 

同上次一樣搭港鐵去到金鐘海富中心A出口上㚘手電梯過條天穚就到咗,

離遠已經見到朋友仔一早到咗!

 

因為時間未到,所以喺呢度玩陣先!

起初我以為呢個只係一張櫈咁簡單,

之後俾芊芊發現咗原來有個搥勾咗喺度,

可以拎落嚟敲鐵片發出唔同聲響!

有高有低,可以俾一家大細一齊喺度合奏。

 

kim_2

 

同上次一樣早15分鐘入嚟做安檢同埋登記拎番張訪客證,

喺登記處附近原來有一個留言區,

如果唔想打字,特別係小朋友,可以轉去Drawing Mode,

芊芊唔知畫咗D咩?似係個魔鬼定骷骼骨頭。

 

kim_3

kim_4

 

今次就有得搭扶手電梯上去喇!

可以近距離望到呢個巿民生活剪影藝術品。

 

kim_5

 

上咗一層都只係圖書館嘅二樓,所以再搭多次扶手電梯上三樓,

上到嚟可以望番落去二樓就見到立法會會議廳外的訪問區,

就係成日新聞見到D官員喺度俾記者訪問嘅地方。

 

kim_6

 

呢度就係公眾記者席,

普通巿民原來都可以預約喺星期三開會嘅時侯做旁聽,

如果我唔駛做嘢我諗我都好有興趣嚟睇吓。

 

入到去裡面首先見到牆上面呢個凹凸「立」字嘅Logo,

好有型!

 

嘩終於見到呢個平時只有新聞先見到嘅地方,

第一個感覺好似歌劇院咁!

 

kim_7

 

今日哥哥都帶咗部小相機,

因為佢上次提我記住下次去街一定要帶部相機俾佢,

佢自己就拎住一路拍低佢自己想影嘅嘢,

(番到屋企先發現佢多手轉咗去video mode所以今日全日都係影咗movie)

 

加埋上面影嘅圓型燈真係幾有氣派!

 

兩個嘢真係喺我影相嘅時侯好合作!

特別係妹妹,每次樣同Pose都唔同。

 

當大家都喺度聽住導賞姐姐介紹,

我就同佢哋3個小朋友影番張相先!

 

kim_8

 

離開咗會議廳之後,

導賞姐姐一路帶我哋行過歷史長廊,

呢班小朋友梗係唔會有興趣聽所以一支箭跑到嚟呢度。

 

kim_9

 

嚟番張大合照先!呢班人嘅 Pose真係冇得頂

如果有機會真係想佢哋第日大個之後再keep番呢個Pose再影過

 

新舊立法會模型對照!

 

kim_10

kim_11

 

當然要同佢哋喺個「立」字下面影番張大合照啦

 

kim_12

 

之後我哋都預約咗入去兒童學習室都玩咗一陣,

因為今次唔係講故事環節,

只係互動學習活動,

原來係冇人負責,只係開放個學習室俾你入去自己玩,

有得玩咭,睇圖書同埋有盒木顏色可以油圖畫。

 

kim_13

 

最後同佢哋係門口側邊呢幅圖畫上面玩捉錯處遊戲,

叫小朋友搵吓圖畫上面有邊D係做得唔好嘅行為,

連我自己都覺得幾好玩!

 

跟住我哋選擇喺裡面嘅餐廳買外賣,

帶到出面嘅大草地度一邊玩一邊食,

總好過出去搵餐廳食完又要番去個草地玩,

而且外面撞正食晏時間又難搵位又等得耐。

 

食物質素唔差㗎,屬正常!唔貴,

記住買埋先好交還訪客証,因為出咗去就入唔番嚟架啦,

買完嘢我哋就出去大草地搵個位坐低開餐啦。

 

kim_14

 

但係呢班細路梗係第一時間衝出去玩,

都唔知佢哋咩構造,成日都唔駛食嘢,食親嘢就極速話飽!

 

kim_15

 

Photo by CANON 5D Mark III, Len | EF 24-70mm f/2.8L USM

 

呀劍評分: 6

 

呀劍評語如果嚟開呢個大草坪野餐歡聚一個下午,加埋呢個餘興節目都唔錯,又可以俾小朋友見吓立法會,可以親身踏足新聞裡見到的地方

P.S.大家記住可以預約埋兒童學習室嘅講故事環節

 

立法會教育導賞團 簡介

為了提高市民對立法機關的工作的認識,以及為他們提供參觀立法會綜合大樓設施的機會,立法會秘書處為綜合大樓的訪客安排教育導賞團,費用全免。

 

地址

香港中區立法會道1號立法會綜合大樓

 

開放時間

由於開放時間及其他活動可以個別預約,所以未能在這裡詳盡記錄,建議參閱提供網址

 

交通

金鐘港鐵站A出口上行人天橋直達
網址

http://www.legco.gov.hk/chinese/education/teach_children_corner.html

 

電話

3919 3441
(以上資料更新至文章當日)

 

【編按:以上內容為作者之個人意見及立場】

相關文章

【著數推薦】Pampers X Baby Shark BB展 買滿指定金額送你Pinkfong Baby Shark音樂咪!

【媽媽美肌教室】吃月餅都要皮膚緊緻 中秋佳節護膚秘訣6招

【體檢前你要知】醫生解答六個體檢常見問題

【內有免費工具】有零用錢買麵包還是買炒麵?從小建立財務責任!

緊貼新冠肺炎最新相關資訊