2019-04-22

429

【HAPPY BUFFET】味歷東瀛自助晚餐

小小豬近期愛上食自助餐,緊係啦....可以自己揀佢鐘意食嘅嘢,又可以唔洗坐定定係餐廳內行來行去,絕對係佢最鐘嘅事。

見港島太平洋酒店嘅自助餐換左以日式為主題嘅「味歷東瀛」,加上佢又唔貴,上網訂位有七折優惠,咁復活節假期我又冇得外遊日本,咁就嚟食一個豐富自助餐感受下日本氣氛嚟止下癮啦~

VIDEO 分享 : https://www.youtube.com/watch?v=aShJ3tvrsLc

為食嘅小小豬一聽到去食BUFFET就急急腳勁興奮咁出發啦~

冰鎮海鮮盤絕對係第一個推介位,有波士頓龍蝦、鱈場蟹腳、紐西蘭青口、翡翠螺、大蝦同埋蜆,每一種海鮮都好鮮甜,我個人就最鐘意龍蝦同埋翡翠螺,唔覺唔覺食左勁多,又將減肥計劃忘記了...哈哈哈~

冷盤小食種類都幾多,為左今次東瀛主題,都有兩款口味嘅冷麵添~

當然仲有刺身同壽司啦~

第二個推介位就係食個即點即燒嘅爐端燒,佢嘅種類都好多,小小豬話嗰個和牛串、墨魚串同埋小蕃薯好好食,不過佢就鐘意睇住廚師哥哥即刻燒多啲,每次出去拎嘢食都一定睇一轉先返埋位~

仲有廚師即煮嘅日式拉麵,仲有三款湯底任揀,依個就係老公推介(佢食左兩碗呀),佢話個湯底唔錯,啲麵仲好彈牙~

熱食方面都有驚喜,基本上好多日式菜式都可以見到,好似有關東煮、干貝炒麵大阪燒、和風芝士牛蒡炒飯、咖喱豚肉壽喜燒.....,依啲全部都好啱小小豬口味呀~

當然仲有天婦羅同日式炸雞啦~

就連小小豬平日好鐘意食嘅日式燉蛋都有呀~

YEAH....我地開大餐啦~

食飽飽主菜就緊然開始食甜品,啲甜品都好有日本風,細細件夠精緻,而且味道都唔錯,入口唔太甜,真係唔覺唔覺食左好幾件呀~

>

仲有我鐘意食嘅蕨餅,睇住廚師師現場即製黑糖同抹茶蕨餅,真係特別好食呀~

小小豬就緊係鐘意食依個即叫即整嘅焙茶雞蛋仔,估唔到茶味雞蛋仔又幾特別~

仲有即叫即整嘅棉花糖~

食棉花糖啫...唔洗咁狼C樣呀...哈哈哈~

食埋杯小小豬至愛嘅Häagen-Dazs雪糕,咁就真係完美啦~

今日小小豬真係食左好多嘢,可以話係有史以來最多嘅,佢個肚真係食到好似脹爆咁,所以話呢.....我地三口子都食到超滿足飽飽咁走。

小小豬未離開酒店就已經話下次又要再嚟,咁佢嘅價錢又唔算貴,加上食物都唔錯,所以都真係可以再嚟ENCORE呀!

 

【編按:以上內容為作者之個人意見及立場】

相關文章

【暗藏危險】3歲女玩彈力乒乓球 軟軸直插左眼險眼球破裂

【從小學理財】共享經濟(零用錢版本)對孩子有什麼的好處?

在職媽媽也能當稱職老婆 夫妻關係在乎溝通與尊重!

【我的盛夏保濕推薦】3分鐘辦公室護膚小貼士 完美對付冷氣乾肌

緊貼新冠肺炎最新相關資訊