2019-06-08

2.9K

偽貴婦之旅 - 澳門四季酒店

上星期weekend同家人快閃咗一轉澳門來個微渡假。點解澳門去極都唔厭?因為澳門啲酒店設施好靚好正,用幾千蚊就可以全家人來個豪歎之旅,無論老人家定小朋友都玩得超開心無咁多假又想來個小出走時,澳門絶對係首選!

《交通》
港珠澳大橋開通後,我地去澳門就多咗陸路的選擇。另外海路方面,如果你上返金光飛航官網,就會發現有好多不同優惠及特價船票。我上星期就用咗$170買到頭等船飛啦!(頭等原價around $300)

《住宿》
澳門出名多靚酒店,究竟揀邊間好呢?今次我就誠意推介 澳門四季酒店 ! 首先我地喺碼頭一落船,就已經有酒店員工攞住Four Seasons嘅牌迎接我地。我地坐嘅唔係一般酒店大大架旅遊巴,而係一架七人車,完全唔洗同人迫,一家人可以舒舒服服去到酒店

一踏入四季酒店,你就會feel到嗰種高貴優雅嘅氣質同埋超貼心的服務。Hospitality對我唻講真係好重要,難得精心安排的假期,如果遇着黑面或好hea的服務,我會即刻無哂心情。住Four Seasons你絕對可以放心,我感覺到每一位員工都係非常用心服務每一位客人。

先講講房間吧!我很喜歡房間的優雅裝潢,而且keep得好好,沒有半點殘舊的感覺。如果你有小朋友入住,酒店更會提供一系列的小童用品,如牙膏牙刷浴袍拖鞋等等。除此之外,職員仲趁我地出食緊dinner buffet時安排了一個小朋友帳幕放喺我地房間,喬姐一入房見到帳幕開心到大叫呀 (問咗職員因爲數量有限所以不能滿足所有客人需要,所以最好喺book房時request,酒店會盡量安排)

《鳴詩dinner buffet》
澳門四季酒店的嗚詩餐廳係我去澳門的必食之選。勝在食物種類多,海鮮有生蠔、龍蝦、蟹腳、青口等等,熱盤有中西日印,甜品方面亦起碼有20款以上!我地一家大細有老有嫩,個個都食得好開心好滋味㗎!

《SPA》
去得澳門渡假,我必定會留2小時比自己做個SPA獎勵一下辛勤工作同湊囡嘅自己。唔好以為喺酒店做SPA好貴,其實好多時同你喺香港美容院做嘅價錢差不多。而今次個package已經包咗60min full body massage 同30min mini facial treatment,所以實在係CP值極高,值得推介比各位

四季酒店的spa service 非常完善,建議你可以比預約時間早半小時去到,然後享用佢地嘅jacqucci 同 steam 等設施,喺做SPA前好好放鬆肌肉。

做完個SPA同facial treatment 立即覺得自己好似有reborn 的感覺,照埋鏡,直程feel到自己啲皮膚好有光澤同彈性,後生咗幾年

#老公識做啦
#老婆做spa時老公同小朋友喺房享受親子時間
#happywifehappylife

【編按:以上內容為作者之個人意見及立場】