2020-05-08

1.9K

兩手揈揈去燒烤 BeeBeeFarm小蜜蜂農莊

相隔一年我哋再到BeeBeeFarm玩,跟好耐無見的威哥再摸啤酒底傾下計,小朋友就可以親親大自然~

自上次來玩過蜜峰、食過豆花、又耕過田,今次反而輕輕鬆鬆兩手揈揈在農場燒烤~「兩手揈揈去BBQ」

一年無見,多了許多羊羊,小朋友餵動物當然最開心。

然而自己食物自己摘,我哋一家落田徒手摘人哋的收成期。

我哋十點鐘到錦上路西鐵站,到C出口坐的士$30多就到達清譚停車場。

更多文章:與世無爭之地 深涌

然後步行約10分鐘就到農場,威哥先帶小朋友去摘草餵羊。

我鍾意小蜜蜂農莊,因為老闆唔會為賺錢賣廿蚊一札雜草,而係叫小朋友自己親手去摘,一面可以學習付出,另一面又可以順便除雜草,哈哈~

摘到一大籃草,芊芊好滿足好開心。

之後就即刻去搵羊羊啦!

今次芊芊都肯走入羊欄裏面直接餵羊,仲記得上年佢仲係驚,要在外面隔着鐵絲網去餵。

同一時間仲有好多隻羊一齊走去佢度食草。

芊芊心地好專登揀啲羊BB去餵。

餵的開心,食的都好開心。

更多文章:最強親子裝搭配打造專屬造型 於K11 MUSEA玩樂贏大獎

「慢慢食,唔好急~」

收工之後就梗係要去玩下啦!

哥哥今次對這滑板特別有興趣。仲話希望想買番一塊可以學玩。

這邊又新增了一個繩網,難度唔高好適合小朋友玩。

我哋走上去小看台,望過對面農田,真係成個人都好舒服自在。

我哋燒烤位置旁邊仲有個小彈床任玩任跳。

輕鬆玩過後,又要開工啦,不過今次係要幫自己摘菜。

落到農田,好多農作物都已經可以收成。哥哥同芊芊親手自己摘下要食的紅蘿蔔。

又大又長的茄子,仲有白蘿蔔,好新鮮呀!

兩個真係一點都不客氣,摘咗咁多白蘿蔔。

真係又大又靚,街巿都買唔到的鮮。

我哋BBQ的地方就在羊欄附近。BeeBeeFarm仲有好多自家製飲品,好似呢兩支蝶豆花茶同埋洛神花茶,我哋Encore咗好多支,真係好好飲呀~

話明兩手揈揈就梗係食物都唔駛準備啦!

對住一望無際的環境去BBQ,真係成個人都超舒暢。

呢種自由自在無拘無束的環境,可以話係真正的親子時光。對小朋友來講真係一個好開心的活動,而且大人亦可以好自在的吹水燒嘢食!

 

【編按:以上內容為作者之個人意見及立場】

相關文章

緊貼新冠肺炎最新相關資訊