2018-01-03

3.8K

澳門teamlab 充滿童趣的夢幻國度

temp (6)

這個聖誕假期,我們一家三口去了澳門玩兼慶祝結婚週年。 今次行程節目十分豐富,去了team lab, 光影節,住了新的酒店,而且到處也有濃濃的節日氣氛。首先,會為大家介紹自己也頗期待的team lab。

Learn & play Team lab 光影繽紛童趣滿分的超現實空間

澳門team lab設於美高梅(MGM)的二樓 - 美高梅展藝空間,當中在四大互動展區,以親子為主打,玩後感係: 充滿視覺享受,好玩但都好攰。

TEAMLAB與美高梅攜手呈獻:未來遊樂園

日期: 2017年12月1日至2018年2月28日
地點: 美高梅二樓 美高梅展藝空間(經天幕廣場)
官網: tickets.mgm.mo
票價: HK$150 (每節90分鐘,兩歲或以下小童免費)

網上搜尋優惠門票
門票$150,大小同價,其實有點小貴…. 於是努力在網上搜尋了一遍,找到應該是最優惠的$110門票,我是在Asiatravelcare.com訂購的,**不過要注意的是門票是沒有指定時間的,經agent訂購後需自行email美高梅確定所選的場次,不過我很快便收到美高梅的電郵回覆,如果大家想買平門票可以參考一下: 按此

temp (9)

temp (15)

temp (19)

temp (18)

彩繪城鎮

一進場便會進入彩繪城鎮,可選取汽車,房屋或UFO的模版進行創作或填色。等我畫架James比小火子先!畫完之後將畫紙比工作人員scan完,作品便會在大螢幕顯示,成為城鎮的一部分。起初以為這是小朋友的玩意,但原來係會好期待自己作品出現ga!嘩,我架James車呀,仲有小火子既UFO! 小火子見到架James車入左城鎮都表現得好興奮! 除左靚之外,其實仲可以同畫面互動ga, 拍下架車,架車會彈起,有時會有怪獸出現攻擊城鎮,只是拍螢幕上的飛機,飛機便會發出激光射怪獸,好過癮呀! 小火子成功擊退怪獸啦~

temp (11)

完成左既作品,scan完記得唔好掉住呀,仲有野玩ga~ 在填色位置旁邊,比幅畫工作人員scan,今次就可以整立體模型啦!

temp (21)

光球管弦樂團

呢個地帶充滿發光既波波,仲好貼心咁分左小小童區域(要脫鞋),而小火子當然興奮地兩邊都玩唒啦~ 一拍d波波,波波就會變色,而天花亦滿佈彩色的大波波,被彩色波波包圍既感覺好夢幻呀!

temp (12)

塗鴉自然山脈與山谷

呢個係我最期待既位置,因為真係好靚,亦係可以瘋狂打卡既地方。同彩繪城鎮一樣,塗鴉自然區域外有填色位置,可以畫花畫蝴蝶作為塗鴉自然 的一部分,不過成個區域都充滿顏色,要搵返自己既作品似乎有d難度~

要留意既地方就係,呢個區域係凹落去既,行落去時要小心,而呢個區域係唔可以著高跟鞋既。 地上的物料踏上去像地氈一樣 (可能真是地氈,不過看不清楚)而因為四邊係斜既關係,有小朋友好開心咁在展區內在斜坡滑下,好似溜滑梯咁~ 我就努力咁望實條大鯨魚游左去邊,因為我要同佢影相呀!

至於當小火子發現左當拍一些生物如青蛙,蝴蝶,會幻化成七彩繽紛的顏色時,他就興奮地追著青蛙踩呀踩,拍呀拍~ 由於斜路較多,我當然要全程拖住佢,所以玩完一輪既感覺係…好熱同好攰…不過睇埋d咁夢幻既相就覺得好值得!

展區面積唔太,90分鐘可以自由去不同區域慢慢玩,我覺得其實時間岩岩好~ Learn & play Team lab 對大人小孩來說也是一個特別的體驗,如果打算去澳門玩的朋友,記得把它排入行程內!

temp (20)

MGM 華麗天幕廣場擎天水池 及海濱長廊

去team lab 前,一定會經過MGM的天幕廣場,那裡也是不可錯過的影相位呀! 其實我們之前就因這個令人驚豔的天幕廣場而來,之前天幕滿佈了巨型花花與蝴蝶,好有愛麗斯夢遊仙境的感覺~ 現在天幕則掛滿了金色的大波波及掛飾,為廣場穿上了華麗的新裝。想看看之前的天幕廣場及美味的high tea, 可以看這裡 (按此)。

廣場中央有一個擎天水池,內裡有著各種色彩繽紛的魚兒,是每個小朋友都會駐足觀看的地方。 為配合聖誕節,水池內仲多左個聖誕老人裝飾,有機會過去同佢say個hi啦~

temp (13)

temp (14)

如果影完天幕廣場又未夠鐘玩team lab,其實大家仲可以出MGM旁的海濱長廊走走。 海濱長廊的景觀開揚,出去曬下太陽,吹吹風都好舒服ga! 那天火子爸還發現了海邊有一個小平台,讓小火子在那裡拋了一會碎石,不過一定要小心看管小朋友呀!

如果想免費玩發光波波,其實仲可以考慮睇澳門光影節,不過仲有幾日就完,想去就要快啦~ 稍後會繼續更新今次澳門之旅既好去處,敬請留意!

如果想睇睇有關team lab的精華片段,可於facebook專頁觀看~

謝謝收看,喜歡貓町媽媽的文章或想觀看更多親子玩樂情報,
歡迎到訪及讚好貓町媽媽的facebook專頁:

<貓町媽媽親子玩樂扮靚日誌>

 

【編按:以上內容為作者之個人意見及立場】

相關文章

緊貼新冠肺炎最新相關資訊