2019-06-20

2.1K

親子本地玩樂推介 - 香港愉景灣酒店

上個月同大家介紹咗一間我個人非常推薦的澳門酒店(澳門四季酒店), 之後收到好多媽媽inbox問有無香港本地酒店推介? 當然有啦!For香港人2日1夜小出走的話,我會推介香港愉景灣酒店 Auberge Discovery Bay Hong Kong點解?因為酒店正不在話下,成個愉景灣嘅氣氛好似令你去咗外國渡假一樣!唔只爸爸媽媽可以感受一下浪漫又relax的渡假氣氛,小朋友都可以大玩特玩呀!????

交通

喺中環3號碼頭搭船,25 分鐘即可抵達愉景廣場,再換乘 T4 或 T9 巴士,前往酒店。
另外可以搭港鐵到欣澳站再轉乘DB03P巴士直達酒店。
當然,住客可以搭乘由酒店安排的shuttle bus, 喺欣澳站或迪士尼樂園都可上車哦!

推介景點

如個搭船的話,一落船就會到達愉景廣場和D’Deck。記住一定要喺D’Deck揾間對住海嘅餐廳歎個brunch呀!(就算唔肚餓都要飲杯嘢chill吓)填飽肚,可以去大白灣沙灘游吓水玩一陣。大概2點半左右就可以出發去酒店check-in攞房啦!

酒店

酒店房間design好舒服,以藍白色為主調,景觀分山景和海景,非常開揚!喺房間休息一陣後,可以帶小朋友去酒店的Kid’s Club 玩遊戲同上DIY workshop! 酒店亦有SPA設施,時間許可的話,媽媽們可以去歎吓世界。

EpicLand歷奇王國

第二天可以喺全港最大型的室內家庭娛樂中心,暢玩全亞洲最大型的室內滑梯、越障訓練、攀石場、小型高爾夫球場及各種趣味十足的遊戲!小朋友真係開心到唔捨得走㗎!

期間限定優惠

1️. 6月份酒店做緊優惠,只要你喺即日起至6月28日内喺官網預訂「最優惠房價」或「歇一會」並於6月28日前入住,就可以免費得到一張Epicland 門券。
預訂
2️. 另外,Travelzoo做緊一個好抵嘅連餐飲package優惠,房間連早餐晚餐都係$1488起。適用日期到7月11日。
預訂

【編按:以上內容為作者之個人意見及立場】