2019-02-25

8.6K

゚♡ °・四代同堂去旅行 ♡˙ 擊破郵輪3大誤解(食物篇)✧*。٩(ˊᗜˋ*)و✧*。

講到上郵輪玩,你第一個感覺會係咩?比較靜態嘅老人家活動?定係困獸鬥悶死人嘅自虐節目?以前我或者都會有呢個諗法,直至真正體驗之後,先發現自己完全係大錯特錯!

猶記得去年夏天,我哋舉家一行8人攜老帶嫩咁去韓國旅行,諗返起都絕對係一個惡夢,因為一個行程,根本滿足唔到各人需要;想人人都開心,唯有塞爆個行程?小朋友攰都仲可以頂硬上抱住佢,但總唔能夠要年屆80歲嘅太婆,陪你由天光踩到天黑咖!

咁莫非要四代同堂開開心心去旅行,全是一個夢!?喺踏上星夢郵輪之前,我一直搵唔到答案...咁講好似太過誇張?但事實真係一啲都無作大;就喺我完全無諗過嘅機會下,我遇到呢個三日兩晚嘅全新體驗。

登船時間係星期五晚上7點半至8點,大周同我都唔使特別請假:)

 

登船手續相當方便,碼頭設有多個服務櫃台,及自助登船機;成人只需帶備身份證進行登船通關手續,而小朋友則要需帶同備有照片嘅證明文件,如:特區護照,以便核對身份。

 ⸜(* ॑꒳ ॑* )⸝ 親愛的郵輪:原來我一直都誤解咗你 ...

食物篇

「困喺隻船度有咩好食呀?就算有選擇都唔慌好食得去邊啦...」

可能有唔少人對郵輪假期都有呢個誤解,但其實船上面集合各地美食,包括傳統中菜、西式扒房、一級日本料理等等,而且位位主廚都係大師級;

 

 

星夢餐廳:不定期推出應節套餐,好似早前就有新春盤菜宴,比你同屋企人共享農曆除夕團圓嘅美好。

 

朝早仲有中式早餐食,啱晒太婆口味:)

 

戶外火鍋:望住個海打邊爐,你試過未?一人一鍋嘅設計,方便每人不同口味,而且定食份量亦相當充足,仲有好多小朋友啱食嘅菇菜類,係個不錯嘅體驗!

至於,輕食選擇,就有連船長都光顧嘅藍湖美食自助餐廳,美食種類真係10隻手指都數唔晒,好似海南雞飯、肉骨茶、餃子、雪葩等等,價錢仲一啲都唔貴。

仲有泰式嘅芒果布甸同芒果糯米飯。

只需18蚊嘅超值巨型雪葩!

睇完咁美味嘅食物同甜品,我都有啲肚餓... 係時候去飲個茶,食個包;餘下嘅問題,我哋就下回再解啦 ε(*´・∀・`)з゙

下回連結:゚♡ °・郵輪體驗♡ 擊破3大誤解(玩樂與安全篇)✧*。٩(ˊᗜˋ*)و✧*。

【編按:以上內容為作者之個人意見及立場】

相關文章

緊貼新冠肺炎最新相關資訊