又到聖誕、又到聖誕，好快又到普天同慶嘅聖誕節喇！各大商場都已經佈置得好靚、好有聖誕氣氛。唔知你哋鍾唔鍾意食朱古力㗎呢？我哋就勁鍾意喇！今年新都會廣場主題係朱古力夢工場，一眾朱古力迷唔可以錯過喇！
益力多廠、可樂廠就參觀得多喇！朱古力廠都係第一次咋喎！嘩！好澎湃呀！啲朱古力漿好似噴泉咁溶梗出嚟喇！
聖誕節又點少得薑餅人呀？仲有好多款朱古力蛋糕添喎！真係見到都流晒口水喇！
好大隻熊bear bear，好可愛！配埋聖誕裝飾，好有聖誕氣氛呀！
「我想食粒士多啤梨，唔該幫幫忙啦！」
重頭戲來喇！做乜咁多人排隊嘅呢？原來響商場內消費滿$300就可以免費獲得朱古力禮盒自訂服務一次喇！
推廣期由11月24至12月15號咋！
朱古力禮盒自訂服務其實係店員會按照你所提供嘅英文字來執啲朱古力英文字母，最多七個字，如果唔夠七個字，店員就會隨意放入店內嘅其他款式拼夠7粒朱古力。係咪好有意思呢？
店員仲即場為我哋影咗張全家幅，感覺幾得意，我哋未試過全家去影貼紙相㗎！
話咁快就print咗出嚟！貼埋上去禮盒度就完成，好有紀念價值呢~
店內仲有其他款式朱古力發售，花束同聖誕樹都好吸引呀！
LONG = 朗朗，SAM = Samantha (晴晴)，咁靚邊捨得食啫？
但轉個頭，已經畀兩隻胃食鬼食梗喇！OMG……
今個聖誕，新都會廣場化身聖誕朱古力夢工場，就好似置身響巨型朱古力工廠咁呀！唔只可以享受視覺嘅滿足感，消費滿$300所送嘅限量個人化朱古力禮盒仲可以帶來味覺滿足添！唔好以為禮盒內啲朱古力字母係平平無其嘅一般朱古力，食落朱古力味十分之濃郁，而且好夠香滑。原來係Haute Chocolat嘅出品，果然有水準呀！記得去埋朱古力pop-up store逛逛，佢哋所售賣嘅香港製造手工朱古力好特別，尤其係花束同聖誕樹都好靚呀！場內擺放咗多棵不同高度、大大小小的聖誕樹，聖誕氣氛十分濃厚，大家都快啲嚟新都會廣場感受一下啦！
聖誕朱古力夢工場 X'mas Metroplaza Chocolate Factory
日期：即日起至2016年12月31日
時間：早上11時至晚上10時
地址：葵芳新都會廣場L3天晶館
網址：www.metroplaza.com.hk
推廣詳情：www.metroplaza.com.hk/assets/content/promote/mp_1479092430_b.jpg
