Momo, Author at BK Milk ‧ 親子語 - Page 3 of 59
 

Posted on June 19, 2019 By

去台灣玩,當然要預訂有滑梯或波波池嘅房間體驗一下吧。
台灣呢類親子民宿亦有好多選擇,不過台北就相對較少,就算有都比較昂貴。

而我哋今次一行兩個家庭,四個大人,兩個四歲小朋友及一個一歲BB。
目標想搵一間大嘅房子,可以兩家人一齊住、一齊玩。

睇咗好多民宿資料,好多地方都唔就近市中心。
所以我哋最後都係選擇預訂包車服務,從機場開始在宜蘭嘅行程,有包車的話,去邊都方便。
所以民宿揀邊到住,都唔係大問題。

由於我哋去旅行期間都係復活節旺季,房子選擇都唔多。

唯有睇中幾間,再睇下邊間仲有房間出租就揀嗰到啦,最後果然無揀錯。

我哋訂咗「宜人生活溜滑梯親子民宿」,VIP親子六人房。

而呢間VIP親子六人房,有一個客廳位,另外有一間睡房,一個衛浴一間。
睡房有兩張雙人床,中間只隔住一條滑梯~
而上格床就有2張小童床,所以我哋剛好夠住。

**友情大挑戰之旅,兩家人同一間房瞓,隔條滑梯啫~

我哋當時嘅租金大概如下,俾大家參考一下;
三日兩夜 (四大三小) 台幣13,800 (大概港幣$3,450/2夜),需預先支付按金台幣4,000。
而餘額就會喺入住時,以台幣現金支付。

民宿周圍都有好多綠色草原,眼睛超舒服。

房間客廳部份都好大,有梳化、電視、玩具。


車仔

幼兒玩具

木製玩具廚房

圖書

房間亦設有水機

房東超窩心呀,更為小朋友們特製了超好味的雞蛋糕。

房間部分,係重頭戲啦~房間除了有滑梯,亦以「龍貓」為主題。
如果鍾意龍貓嘅話,真係會超開心哦。小朋友們一見到滑梯房,開心到不得了,瘋狂瀡滑梯無限次。

兩張雙人床

上格床以貓巴士嚟設計,兩邊各有一張小童床

龍貓主題房,房間內有好多龍貓公仔及裝飾。

浴室仲對住綠田園,眼睛超舒服呢!!
(*房東溫韾提示,沖涼時要記得落窗簾)

民宿親子設備超友善,另有兒童浴盤

沖涼玩具

兒童廁板

兒童踏腳

大人、小童嘅牙刷套裝

除此之外,民宿入面仲有好多玩樂設施,有小沙池、電動車、單車、足球機。

有多款電動車隨便玩,電單車款、小火車、私家車款都有。

單車亦可以隨便用,但要留意所有車仔玩完,記得放回原處哦。

另有有蓋玩樂,休憩區。

足球機

渡假風格的吊椅

玩沙遊戲組

字母磁石遊戲

搖馬、車仔等

而民宿還提供貼心嘅早餐服務,有兒童早餐、西式早餐及中式早餐。

超可愛的兒童早餐

小朋友們都超開心

小甜點及果盤

中式早餐

西式早餐

早餐非常豐富,房東嘅貼心服務,讓我哋可以慢慢準備好再出門去玩。

民宿外嘅風景

和牛B超鍾意呢到,當宜蘭行程完咗要過台北玩轉第二間民宿,佢就超級唔捨得。不停話,下次要再嚟台灣玩。

到處都有綠色草原

民宿入面公眾嘅客廳

【宜蘭。宜人生活溜滑梯親子民宿】

地址:宜蘭縣冬山鄉吉祥路569號
電話:0975-62288-2
https://www.facebook.com/YiRenShengHuo/


Posted on June 16, 2019 By
早前都同大家分享過,作為父母嘅反思 「你有因為孩子愈來愈大,笑容而變得愈來愈少嗎?
 
有時候,我都覺得動不動就同小朋友發脾氣,已經係去到病態嘅地步。
回想一下,自己都有童年。
 
好怕父母鬧,更加係唔鍾意添。
 
我好想改變自己,但每日嘅疲累就會不其然轉化成負能量…
高負能量之下,就忍唔住大發雷霆。
 
最近行過書局,見到幾米今年新出嘅作品《但願有一天你會懂》。
 
 
所以都好想同大家分享,當我一打開呢本書嘅時候,只係頭兩頁嘅內容。
就已經打動到我嘅內心,作為媽媽馬上想要哭。
 
此繪本圖書,好適合我。
頭兩頁嘅內容,係我現實生活中嘅寫照…
 
父母:現在又是怎樣子? 
你沒看到我在忙嗎?
都幾點了,
還不趕快去睡!
 
怎麼還站在這裡?
我累了,有甚麼事,
明天再說。
 
孩子 :沒事啦! 
只是想跟你說,
今晚窗外的星空好美,
我剛剛看見一顆流星,
許下一個美好的願望…
 
…………………………
我不曾同大家講過,和牛B每到夜晚都唔願瞓覺。
佢好想我陪佢玩,到返入房講完睡前故事,仲仍然會有好多說話要講
 
十級疲倦嘅我,佢唔俾我先瞓著。我就會更加負能量,然後火山爆發…
但呢本書,令我深深咁反思作為父母,作為孩子又係咩心情…
 
或許,孩子只係想同我分享更多佢所見到、所經歷到嘅事…
 
與其去責罵佢,倒不如讓佢講到夠吧…
 
幾米呢本書以父母期待小孩:「但願有一天你會懂!」,小孩盼望父母:「但願有一天你會懂!」。
 
以兒童嘅角度出發,將親子關係之中講唔出口,但又不吐不快嘅處境一一擊破。
 
小孩嘅盼望,父母嘅盼望…「但願有一天你會懂」
 
頭兩頁是繪本,後面嘅內容係讓小孩同大人深思嘅畫面及對白。

Posted on June 3, 2019 By

作為只有一個孩子嘅媽媽,對住現年4歲嘅和牛b。

我不時都會反思,自己身為媽媽,有無做錯嘅時候。我好肯定地承認,我不時也會有做錯嘅時候。

生活忙碌,休息時間時夠。

每日都趕頭趕命,令我對佢嘅笑容都慢慢減退。

因為每日,我都只顧睇時間,忽略咗好多嘢。

4歲,踏入幼稚園生涯嘅第一年。

學習要打好基礎,除咗每日要做簡單功課之外。

亦需要每天溫習,咁生活要點樣取得平衡。

想期望和牛B學習上保持到水平,又要有足夠睡眠時間。

到底又應該要從哪裡入手呢?

生活咗廿幾三十年 VS 生活咗剛四年的小朋友

永遠係旁邊者都會覺得,輕易啦,Take it easy,放鬆啲啦!

講就容易…

原來人會愈活愈糊塗,係真嘅。

當我眼見同齡嘅朋友步伐同和牛B好唔同…我就會覺得被比下去…

擔心女兒發展比其他人慢…而焦急

笑容又漸漸減退…

作為媽媽,心理質素、情緒都要控制得好好。

每日大家都在學習之中…點解孩子愈來愈大,笑容而變得愈來愈少…

全因為自己造成的壓力,影響了自己同埋孩子嘅關係。

堅持自己嘅信念,讓孩子在快樂中成長…

不要讓孩子都失去應該有笑容、以及童真…

————————————————–
Facebook專頁: 和牛B嘅成長專頁

Instagram: wagyubmami


Posted on May 29, 2019 By

天氣開始熱啦,對進行戶外活動嘅念頭都大大減低…
加上近排放假都落雨,一大班朋友都唔知去得邊到玩。

所以,今次去咗觀塘嘅Party Room大玩特玩!!

呢到地方好大,童趣設計嘅波波池勁大!


^ 藍天白雲嘅設計,見到都覺得精神爽利! 好似喺雲海到玩波波池咁~

仲可以唱K、打麻雀、玩德洲撲克、幼兒玩樂、打機、VR遊戲、大型扭扭樂遊戲等。

除咗有小朋友最愛嘅波波池,仲有適合小朋友同埋幼兒嘅玩具。


^ 地下亦有舖上軟墊作保護


^ 木製廚房玩具組


^ 積木、木製車仔玩具


^ 紙皮層層疊

Party Room入面,大人排住隊瞓身玩嘅VR遊戲,睇見都好刺激呀!!!

^ 視覺上超震撼嘅刺激體感遊戲

仲有Wii同埋PS玩~

^ 唔少得鍾意唱K嘅你

Party Room入面仲有唔少卡牌遊戲及小遊戲。

經典扭扭樂遊戲,呢個係唯一一個入牆式軟墊設計,睇住班爸爸玩,睇見都覺得好好笑同好好玩呀。


^ 大人嘅世界,麻雀耍樂

^ 繼續大人嘅世界德洲撲克遊戲

話咁快,又放電放咗數小時啦,大人細路都玩到都唔捨得走呀~

^ 我哋係由0歲玩到4歲嘅好朋友,一變四,四變七。呢個小圈子愈來愈大了!!

場內友善設施:

帶寶外出,Party room入面亦設有獨立育嬰室及餵奶房。

除咗照顧到嬰幼兒嘅需要,亦照顧到大人(煙民)嘅需要,洗手間旁邊有一間「抖氣房」,俾大人直情呼氣。

玩波波池,最怕就係波波池多細菌。
BKW partyroom入面特設洗波波機,老闆仲特意展示俾我哋睇,點樣清洗波波添呀!!


^ 場內亦有提供小朋友櫈


^ 亦有拖鞋提供

收費:
全個暑假7、8月,任何一日1:30pm. 前埋單,每位$98,小童半價更低至每小時$12.5!
-------------
星期五,六,日,公眾假期及前夕
1:30pm. 前埋單
每位$98/4小時(最底消費 $2000)

1:30pm.後
每位$218/4小時(最底消費 $3500)
-------------
星期一至星期四

1:30pm.前埋單
每位$98/4小時(最底消費 $1000)

1:30pm.後
每位$168/4小時(最底消費 $2000)

-------------
每人包一罐無酒精飲品,升級任飲每位+$20

生日優惠:(當月生日者)
每20位免1位,40位免2位,如此類推

3歲或以下免費,小童12歲以下半價
20位起:95折,30位起:9折
(小童計半位)

*小貼士*
呢個場不接散客,所以一定要約齊腳包場去玩。
想去玩嘅話,記得預早訂場呀~

【BKW [email protected]觀塘】

地址:九龍觀塘開源道54號豐利中心2樓213室

Facebook:https://www.facebook.com/BKWpartyroom/
Instagram:https://www.instagram.com/bkwpartyroom/


Facebook專頁: 和牛B嘅成長專頁

Instagram: wagyubmami


Posted on May 28, 2019 By

https://youtu.be/B3m_4v81j2A

嚟到台灣,如果遇上落雨嘅話,點算好?
唯有盡量安排多少少室內活動啦,今次我哋去咗新月廣場到玩。
成個商場,有4層咁多。
有齊食、玩、購物樣樣有齊。可以話係適合一家大細,嚟呢到消磨時間。而今次我哋嘅目標就係4樓嘅「湯姆熊」,其實呢到就好似香港嘅冒險樂園咁。

兌換金幣就可以玩場內嘅所有遊戲,而場內仲有波波池遊戲區。

價錢都好抵玩,台幣10元可兌換4個代幣 (每個代幣相等於HK$0.6)。

^自助兌代幣機,非常方便,只要拼入台幣就能馬上兌換代幣了。

【湯姆貝貝】

我哋以三大兩小進入「湯姆貝貝」遊戲區,此區需要另外購票入境。

合共台幣500元,需兌200代幣入場 (相等於HK$120 3大2小入場),另外購買遊戲代幣,仲可即時參加抽獎遊戲,我哋超幸運,再中多100個代幣玩其他機動遊戲。

^ 呢一大杯的代幣,就係要入場「湯姆貝貝」嘅入場費嚟啦,我都係第一次見裝滿代幣嘅杯咋~

 

^票價參考

遊戲區分為動態、靜態遊戲,照顧到不同年齡組別的小朋友。

動態區
波波池、滑梯、滾輪滑梯、彈床區

半透明彩色嘅波波池海,遍滿整個園區。

仲有360度旋轉嘅吹氣大熊熊,隻熊熊係雙面o架~

三色「魔法森林」滑梯

香港較少見嘅滾輪滑梯


^ 進入遊戲區的小通道

^ 互動遊戲組

^ 家長波波池休息區

 

^ 波波池幼兒屋子滑梯區

 

^ 波波池圖書區

 

當然,唔少得放電彈床區啦~

靜態區
動力沙區遊戲區

除咗分開幾格動力沙,椅子讓小朋友遊玩之外。

遊戲區更提供有袖小圍裙及風筒。

亦有男生女生都愛嘅角色扮演區,入面有多個木製廚房玩具組。

 


^ 亦有角色扮演嘅服裝,免費穿


^ 木製廚房玩具


^ 超可愛嘅雪糕車仔檔玩具


^ 和牛B超鍾意呢個玩具呢~鍾意食雪糕,所以鍾意賣雪糕~


^ 男孩大愛嘅木製車車玩具

 

^ 塗鴉牆,隨便繪畫


^ 電腦互動遊戲區都係免費玩~

 

湯姆貝貝遊戲區內設施
免費的儲物櫃、鞋櫃

仲有育嬰室/ 餵奶房

由於場內禁止飲食,如果需要飲水的話,遊戲區近出口位置亦設有水機可斟水飲用。

離開湯姆貝貝後,我哋轉戰「湯姆熊」嘅電子遊戲,抽獎獲得嘅100個代幣,大派用場了!

 


^ 夾雪糕機我都真係第一次見呀!!

 

^ 有好多遊戲香港都未見過,當然要玩一下吧~


^ 旋轉小火車

^ 仲有香港無嘅JR鐵路車~

^ 滾球遊戲~

 

^ 夾彩球換禮物遊戲

^ 也不忘要跟好友一齊比賽吧~

快快樂樂,又消磨咗數小時!!

【宜蘭。新月湯姆熊】
地址:台灣宜蘭縣宜蘭市民權路二段38巷6號4樓
電話:03-9311-670
營業時間:
星期一至四:11am. – 9:30pm.
星期五至日:11am. – 10:30pm.

<商場設有停車場>

http://www.tomsworld.com.tw
湯姆熊-蘭城新月店 Facebook
————————————————–
Facebook專頁: 和牛B嘅成長專頁