Hailiah媽媽 (Cherry), Author at BK Milk ‧ 親子語
 

Posted on July 12, 2018 By

這段時間先生都正放長假期,我也在思想上沈澱一下。

先感謝先生也是很稱職的一個爸爸,他對女兒的照顧卻是無微不至,我這個全職媽媽突然變得比上不足 比下有餘。我也看得到先生照顧女兒的參與度和他們的依靠度及親密度都是有連帶關係。這陣子我都放手給先生照顧女兒,也從來不用我費心。在婚姻當中,互相欣賞對方也是學習的一課,很多時候我也會寫上blog記錄爸爸的好,給他一種鼓勵和肯定。當然他做不好的地方不是沒有,但是這對比他分擔家務和照顧女兒我也會包容了!

這些時間老公在努力照顧女兒,我就努力學習上父母自修課,也就像過往我們唸書也會自修似的。因為在教導女兒上我有很大的迷惘,我看過很多育兒書和網上文章,這全是我太想了解女兒的狀況和階段,但就是這些準則都令我有所困惑,經再三思考,我是明白每個孩子的成長速度都不同,我也不會比三家更不會強制執行學習範疇,因為不希望自己當一個怪獸家長。

至於教導女兒方向,令我又再回想當日我和先生達成的三點。

1) 正能量

2)不嗇色愛意

3)身教

第一點是比較難持久,當然人遇到不如意事十常八九,但我們仍要學習正面面對事情及讚美言語擁抱別人。

第二點是我們家從不嗇色說「我愛你」、擁抱、錫錫,一個家庭擁有愛,孩子才會快樂,我同先生也是盡量不在孩子面前爭執。希望她能感受家是溫暖的,增加信任感。

第三點是身教,我們都是父母不是保母,我們都是孩子的鏡子。除了照顧你,更加努力身教,告訴你如何正確處事做人。

沒有誰一開始就是完美的父母,我們倒也是失敗不餒而成長的,有一個時候我也會因為女兒開始步入Trouble 2的脾氣令我浮躁不安甚至令我欠缺耐性,但當我看到先生照顧女兒的溫柔,我似乎看懂了什麼,跳岀來換個位置,其實有很多解決的方法,管教女兒本身就沒有一本天書,只有自己定立一套屬於你家的教導方式,各施各法,其實都是盼望孩子磊落做人。

 


Posted on July 11, 2018 By

就由晞晞岀世講起,第一晚BB住特別病房,無機會抱同無埋過身所以係醫院姨姨餵佢奶粉!第二日姑娘教我擠奶,只有小小仲有血絲既初乳,我居然唔知係寶,所以掉左;如是者,個女跟返我之後喺醫院都係食奶粉。到左岀院生完第5日我先識得用泵空泵,居然都有1-3安士左右。

▼老公影晞晞剛岀世既第一張相
影像 (1)

▼初乳
影像

▼第一次泵奶
影像_1

但BB食左奶樽後真係唔識埋身,食唔到奶一直都係補粉為主,加上坐月我無乜時間泵奶,到最後一次泵奶係我泵左士多啤梨奶(血奶),啲奶得返幾滴。因為食得太多雪耳我塞左泵傷左乳線,我放棄了!整個半母乳的過程係維持咗22日!

▼泵傷左乳線都可以埋身同擠奶嫁!唔好學我咁快放棄

影像_2

一直覺得自己無奶水,所以餵唔到母乳,其實事實上係自己無用心去追奶同維持奶量,心中有點後悔,因為往往最難既事係最容易令人放棄!當晞晞2個月左右,有好多次沖唔切奶粉喊到好可憐哦,我就試下抱佢黎埋身,點知佢識得埋身喎(但4個幾月時試過好抗拒),原來越大個既BB吸啜能力越好,嗰陣想餵返都餵唔到,因為我無餵咁耐已經回左奶,眼見食奶粉時既晞晞打針同食輪狀身體都好似特別弱雞咁,嗰一刻我知道只有母乳喺BB唔舒服及不同階段都會做抗體!加上我兩個餵母乳的朋友支持我,話我聽有個case係停左一年都追到奶,要記住有餵母乳的朋友像個寶,唔係佢地我唔會堅持到今時今日。我就決心要餵返母乳,上網睇到好多再度泌乳既分享,先知道原來每個生BB既女人只要BB肯吸啜就一定可以餵返,人既身體係俾你保護天災人禍既BB,俾奶水佢維持生命,佢有講就好似嫲嫲婆婆都可以餵返個孫食母乳喎XD

再度泌乳奶量開始時會好少,因為要重新喚醒返身體製造母乳俾BB, 味道係咸咸地,原因係奶水塞在入面太耐,奶水比較透明,係前乳既顏色,過一排就會正常返。

返工時,我就拎個泵返去每三小時空泵,每天我飲3L水,午同晚要飲湯同食白飯,C字按住泵奶及周時擠奶,泵左一星期都有一滴到幾ml。每次有幾多都會拎返去俾晞晞揸面或者飲,因為佢真係好愛媽媽奶,我多數會加埋一餐先俾佢飲,但要留意同一溫度才可,咁樣既做法令BB吸收抗體會全面一點。我的母乳知識都係喺母乳群組慢慢學習的。

影像 (2)

後來工作關係轉了一日泵4次,每4小時1次,每次泵30分鐘,早晚埋身。我泵奶次數唔算多,但盡量keep住同一個時間泵奶。以下係我追左幾耐同每次泵既奶量(因應身體情況有時多有時少):

一星期時間,幾ml

一個月,1oz

兩個月,2oz

三個月,3oz

四個月-六個月,3-5oz

之後我轉左埋身放題

影像_1 (1)

影像_2 (1)

影像_3

晞晞8個月,加固2餐,我每天泵約12安奶 ,就可以全母乳了,全職媽媽後全埋身放題,晞晞都已經18個月。雖然有啲人話人奶餵到6個月加固後就唔係好重要,但我就覺得如果有能力都想俾最好既抗體佢,佢病左我都分擔唔到佢既辛苦,但可以提供到有抗體既奶令佢得以舒緩,我的目標是自然離乳!

image1 (2)

請珍惜bb跟你最親密的時光
祝大家奶路暢通,長餵長有!

 

 
© Baby-Kingdom.com Limited. All rights reserved.