鯊魚太與寶, Author at BK Milk ‧ 親子語
 

Posted on February 3, 2019 By

講到以阿媽身份迎新年,其實鯊魚太都算係初哥,大吉利是,有好多難搞場面都無遇過,雖則話人生流流長,但確實唔係樣樣嘢都要試過先知衰,不過無大單嘢遇過,並唔代表新年易過,到底做咗阿媽之後,年關係如何演變成難關?

自身篇

1/ 唔想執屋:以前新年,一般都係畀阿媽夾去人哋屋企拜年,再唔係就約埋朋友去街行年宵,就算有親戚嚟屋企,其實都係探望我雙親啫,打個招呼、講句新年快樂,就可以自我隱形,最重要係咩都唔使我準備呀嘛,清潔家居、約好時間、應酬吹水,可以話通通唔關我事。

但當你做咗人阿媽,就唔知點解間屋會變身成為示範單位,個個都要嚟睇下,順便探下BB囉!無錯,係順便咖咋,因為就算你話約出去,都唔知點解對方會忽然細心,代入埋你咁濟,話上嚟方便你多啲嘛!唔好意思,其實真係唔多方便囉!有人嚟又要執整齊間屋,你話唔使啦?噤至少你都要有個位坐得舒服啩,然後仲要準備乜糕乜糕,招呼完一輪,你拍拍囉柚就走,我就仲要洗!老老實實喇,其實係方便咗邊個?

2/ 打點全家送舊迎新:原本新年買新衫係件開心事,以前仲可以趁機同老公行下街、拍下拖,但當你做咗阿媽之後,第1項因素已經消磨咗你收爐後8至9成時間,仲要為全家打點新衫、新鞋、新睡衣,有時候真係心很累……

3/ 幾時生多個:呢個問題,相信有唔少香港地嘅阿媽都唔想答,特別係有長輩壓力嗰啲;首先,其實我嘅人生並唔係只有生仔兩個字,再者,真心嘅,你係咪每月有贊助:)

外出篇
1/ 大大攤!要換片:我試過,我真係試過,大大攤、結遢遢,搵唔到換片嘅地方,排唔到設備好少少嘅育嬰室,結果兩母子一身係……唉~

2/ 唔知食咩好:其實小朋友外出用餐,有時候真係唔係樣樣都啱食,不過最可怕嘅並唔係搵唔到食肆,而係啲長輩同長長輩不停、non-stop、唔斷氣咁叫你夾啲畀阿仔食,其實可唔可以靜啲?

以上單元其實只要做人阿Q啲,又或者試下聾耳陳上身,再或者做好準備,其實都有可能避得過,但以下情況,我又應該點算好?

避無可避篇

1/ 堂哥堂妹表姐表弟教養比較:人人教育小朋友都有自己一套,平日喺屋企你有你教,我有我管,但一家人坐埋一齊食飯,就咩都擺晒上枱,例如:鯊魚太一直教導鯊寶外出用餐唔可以落地,但阿表哥就由個仔周圍跑,仲嚟邀請鯊寶一樣玩?又好似阿堂家姐由得個女不停睇住個電話兼餵埋佢食?

咁人哋點養就梗係唔關我事,但若果鯊寶再大啲,大大聲問我點解表哥可以落地、點解人哋可以可以睇住電話食飯?我真係唔知點處理…

2/ 唔好咩都比我仔食得唔得?:唔知你哋家族有無一啲新年團拜?即係成個家族訂幾團一次過見下面就算嗰啲,有時行開行埋,畀人一手抱咗個仔都唔知去咗邊度,而最怕嘅係返到你手上嘅時候,唔知佢個口食住啲乜,鯊魚太去年試過有位親戚唔知點解咁搞笑,畀咗粒M字有花生朱古力畀鯊寶食,仲話佢食得好開心……當時鯊寶只有1歲多啲,先唔好講佢適唔適合食朱古力,其實你知唔知會哽死佢?

遇到呢啲親戚,真係恭喜發財!


Posted on January 25, 2019 By

身為超細B家長嘅鯊魚太坐完一輪面試放榜過山車之後,暫時都係未有著落,喺等待候補學位通知嘅同時,其實都打定輸數,準備安排鯊寶做超大B,之但係人有時就係唔識死心,仲抱住一絲奢望,想小朋友可以喺嚟緊學年入讀K1。

經過1月10至12日嘅「統一註冊日期」,教育局都喺呢幾日發佈咗幼稚園幼兒班(K1)學位空缺資料,列出截至2019年1月22日部份幼稚園空缺,如果仍然為小朋友尋求緊一個學位嘅家長們都可以上去睇睇,然後直接聯絡有關幼稚園,詳情請按

部份熱門地區空缺資料:

九龍城區

參加免費幼稚園計劃
基督教中心幼稚園
德寶中英文幼稚園(黃埔花園)
神召第一小學暨幼稚園
何文田浸信會幼稚園
何文田循道衛理楊震幼兒學校
九龍城浸信會幼稚園
粵南信義會腓力堂馬頭圍幼兒學園
美雅幼稚園
美雅幼稚園(分校)
保良局呂陳慧貞幼稚園
聖公會牧愛幼稚園
聖公會聖三一堂曾肇添幼稚園
聖文嘉幼稚園

沒有參加免費幼稚園計劃
閩光書院

當中基督教中心幼稚園曾為搶手學校,惟因租約問題,九龍塘校舍將於2020年停辦,入讀K1及N1生需面對轉校問題,假若有家長欲為小朋友先報K1,下年度再戰其他名幼,或是不錯選擇;據討論區家長意見,目前學校未有老師離職潮,校方亦有協助提供轉校方案。

中西區

參加免費幼稚園計劃
明愛聖方濟各幼稚園
卓基英文學校暨幼稚園
靈恩學校
聖安多尼中英文小學暨幼稚園
聖馬太堂幼稚園
香港西區婦女福利會幼稚園
仁濟醫院郭子樑幼稚園

灣仔區

參加免費幼稚園計劃
中華基督教會灣仔堂幼稚園
香港基督教服務處時代幼兒學校
KHALSA DIWAN KINDERGARTEN
穆斯林幼稚園
保良局莊啓程幼稚園
聖公會聖基道幼兒園(灣仔)


Posted on December 27, 2018 By

人人都放假,你估人人想放假?

各位放紅日嘅你,放完愉快嘅聖誕假期之後,再次坐返喺電腦前面開始工作,望住個月曆,數數手指再數埋腳趾,諗一諗,返多兩日又放假,有無少少覺得力不從心?有無輕輕覺得有啲痛苦?如果你以為自己係全世界最失落嘅一群,咁你就錯喇,因為塵世間仲有一種假期叫學校假期,一種喺紅日過後繼續熱烈奔放嘅假期。

全文…


Posted on November 29, 2018 By

幼稚園面試開始放榜,已經食咗幾封Waiting信嘅鯊魚太心情真係好低落。反反覆覆咁喺度諗係咪自己功課做得唔夠,係咪當中安排唔夠周詳,愈諗就諗down。其實只得23個月嘅鯊寶面試表現已經好好,絕對係做足佢嘅120分,但無奈超細B能力確實係有差異。再講學前人話齋,即使考得再好,天外有天,人外有人,考幼稚園都係緣份也。

全文…

 
  • 搜 尋
  • APP
  • 網 站
© Baby-Kingdom.com Limited. All rights reserved.