幼兒食譜 Archives - BK Milk ‧ 親子語
 

Posted on March 24, 2019 By

小小豬突然話好想飲菊花茶,既然佢主動提議,咁我就當然非常樂意煲俾佢飲。因為菊花茶可以清熱解毒之餘又對眼晴明目都好有幫助,兩者都係小小豬極度需要嘅,所以就開工煲涼茶啦~

菊花茶有清熱解毒,清肝明目功效;紫無花果係無花果一種,質感較軟,含豐富花青素同埋抗氧化,所以對眼睛同埋皮膚都有幫助,而且仲可以防治傷風、感冒,增強體質杞子有滋養強壯又明目,對於視力減退腰痛及糖尿病患者有功效;蜜棗止咳潤肺、化痰平喘功效。(網上資料)

菊花約十蚊、杞子約兩湯匙、蜜棗五粒及紫無花果八粒~

將所有材料浸洗約半個鐘,然後隔水備用(記得菊花要分開嚟浸洗,因為佢落嘅次序唔同呀)~

煲內放1.5L水,然後隨水加入所有材料(菊花除外)~

待水滾後繼續用大火加蓋煲約10分鐘~

之後加入菊花,再轉慢火加蓋煲20分鐘~

過程中可以壓一壓蜜棗及無花果,煲時可以更加出味~

最後熄火焗10分鐘,然後就要即刻夾起啲材料,因為菊花浸得耐,個茶就會帶點點苦~

暖暖地就最好飲啦~

溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!


Posted on March 19, 2019 By

天氣濕濕笠笠,總係會令人覺得好易倦兼周身唔舒服,所以又係時候要煲返個超強勁嘅祛濕解毒湯水

牛大力土伏苓粉葛豬骨湯之前都煲過好幾次,今次同店主姨姨傾開,佢就教我加埋紅蘿蔔一齊煲,話出嚟會甜多啲啲,小朋友又會鐘意飲多啲。既然係咁…就緊係要試下啦~

牛大力有助補虛潤肺,強筋活絡,治療腰肌勞損;土茯苓除濕解毒、通利關節,有效治療皮膚痕癢;粉葛有清熱下火、生津之效,尤其對於骨火、胃火盛者功效顯著,而且仲可以治療熬夜頸背筋骨酸痛;扁豆可以健脾和中,消暑化濕;赤小豆就利水除濕,和血排膿,消腫解毒;紅蘿蔔有健脾助消化、潤燥明目;陳皮理氣健脾、燥濕化痰;蜜棗止咳潤肺、化痰平喘功效。(網上資料)。

牛大力一條、土伏苓一個、粉葛一個、紅蘿蔔一條、赤小豆一兩 扁豆一兩、豬骨$50、陳皮一角及蜜棗4粒~

牛大力、土茯苓都係買新鮮嘅,可以係街市濕貨店買到~

買嘅時候同店員講飲嘅人數,佢地就會幫忙執相關份量而且仲會幫忙處理添~

大力、土伏苓及粉葛由於已經切好晒,所以用水沖洗幾次~

蜜棗、赤小豆及扁豆浸洗一陣~

陳皮浸軟刮囊~

豬骨洗淨,隨水開始汆水~

煲內加入約4L水,然後加入陳皮~

待水滾後加入所有材料~

 繼續用大火加蓋煲約30分鐘~

之後轉慢火加蓋煲多2.5小時~

最後加鹽調味,就飲得啦~

店主姨姨真係冇介紹錯,加左紅蘿蔔之後成煲湯都甜左啲啲,少左啲豆味小小豬都自動自覺要添飲呀

溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!


Posted on March 17, 2019 By

材料
菠菜 2棵
急凍雞柳 2條
意粉 隨意
BB芝士 1條

白汁材料
溫開水100ml
低筋面粉 / 粟粉 10g
配方奶粉 10g

做法:
將低筋麵粉/粟粉,配方奶粉加入溫開水中,把它們拌勻至溶解,備用。

 

菠菜洗淨灼熟
雞柳解凍,灼熟,備用。
意粉煮熟瀝乾水備用
將菠菜切碎,雞柳撕成條狀備用

下油開火,先炒雞柳條再加菠菜,加意粉略炒
加入麵粉奶粉水,不停攪拌。(以防燶底)
最後再加入BB芝士煮至溶解,炒勻
如果覺得較稠可以少許水,
煮至自己想要的醬汁濃度即可上碟。

 


Posted on March 12, 2019 By

想輕鬆在家製作薯片?現在你也可以!用微波爐就可以把蕃薯和紫薯變成鹹香薄脆的滋味雙色薯脆片,味道讓人雙倍驚喜。你們也可以按個人喜好灑上鹽、糖或甜椒粉調味!

全文…


Posted on March 7, 2019 By

係某 Pizza 店食過呢個麵包球後,J&J 勁想食。原來好多小朋友都鍾意,一見到個波就已經知係邊間餐廳見過。街食咁貴,屋企整真係簡單又快,幾蚊已經完成。

全文…