幼兒食譜 Archives - BK Milk ‧ 親子語
 

Posted on July 29, 2019 By

唯B返學要自備茶點,佢話要食蛋糕,呢款蛋糕易整又好食,仲好低糖添,大家一齊試吓啦wink
但要留意,1歲以下嘅小朋友唔可以食用蜂蜜或蜜糖,以防止肉毒中毒。

材料:


雞蛋 3隻(要室溫)
糖 2g
蜂蜜 25g
奶 25ml
高筋麵粉 80g

做法:
1. 雞蛋與糖混合,隔水加熱至40度左右,不斷攪拌
2. 離火,以電動打蛋器用高速打發,直至雞蛋體積增加、顏色開始轉白
3. 焗爐以180度預熱10分鐘
4. 奶同蜂蜜隔水加熱至融合
5. 把蜂蜜奶慢慢加入蛋液,以中速打勻


6. 麵粉分2次篩入蛋液,輕輕拌勻
7. 倒入模,以150-180度焗10分鐘,插入牙簽後冇沾到麵粉就完成

Like our Facebook Page: https://www.facebook.com/weplaynlearn/

Follow us on Instagram: http://www.instagram.com/kly.chu


Posted on July 16, 2019 By

南瓜含有豐富蛋白質、胡蘿蔔素以及維他命C,一起做這個健康有營的南瓜煎餅吧!

做法:
1. 日本南瓜去皮,1/3刨絲備用。

2. 另外2/3南瓜切件,蒸15分鐘至軟身,取出南瓜件壓成南瓜蓉。

3. 用白鑊爆香南瓜籽仁,盛起備用。

4. 南瓜蓉加入生粉、麵粉,邊攪拌邊加入清水,混成糊狀,再加入南瓜籽仁及南瓜絲。

5. 隨個人喜愛,選擇製作甜或咸味煎餅,在麵粉糊加入少量糖/鹽。

6. 平底鍋加適量的油,倒入及熨平麵粉糊,至直徑20cm及厚度約1cm。

7. 用小火慢慢煎,至兩面金黃熟透即完成。

詳細食譜傳送門:http://bit.ly/2Jew6WL


Posted on July 11, 2019 By

一起來試試看,感受蛋黃在舌尖滑過的柔軟觸感吧!

做法:
1. 在雞蛋上拮一個小孔;煮滾一鍋水,加入白醋。

2. 加入雞蛋,用小火煮6分鐘。

3. 熄火,蓋上鍋蓋,焗3分鐘。

4. 取出雞蛋,放入冰水降溫,去除蛋殼。

5. 將水、生抽及砂糖拌勻至砂糖完全溶化。

6. 加入雞蛋浸泡至少8小時或過夜。

7. 完成!

詳細食譜傳送門:http://bit.ly/2L2cvLi


Posted on July 8, 2019 By

話說同媽媽們傾開湊仔經  佢地都會為左BB加固而緊張起黎

四出搜羅各款煮食神器…..新手媽媽嘛   明既!

其實小朋友大得好快   而且港式蝸居廚房又唔係大  已經有大大座消毒奶樽器

好多媽媽為左bb加固更會添置蒸煮器  攪拌機等….

二寶媽經驗所得   兩大好物推介 已經可以應付BB加固階段

好物推介1號: Combi – Baby step up cooking set

哩set離乳食具使用率極高    簡單功具已經可以自家製baby food

之前網上聽過有媽媽見bb開始加固  就一齊開心share垃圾食物…

甚至長期進食baby food…..真係生仔要考牌

其實BB滿6個月  除左奶  更需要鐵質

而鐵質豐富既食物  可由最基本蛋黃奶糊  果蓉  瓜菜蓉  米糊開始

怕BB食物敏感  同一款食物可連續食三至四日

同時每日要keep住相對年齡所需既牛奶攝取量

到BB加固開始穩定  就可以開始餵食粥仔

衛生署建議既加固食材參考

今次特選十款細佬b加固時大愛既粥仔     食材可先從單一食物開始

紅蘿蔔蓉粥

先將紅蘿蔔蒸熟磨蓉備用

再加入煮好既粥底

蕃薯蓉 / 蕃薯粥

蕃薯蓉

先將蕃薯蒸熟磨蓉  *因為質感較黏口   餵食前可加入少量暖水調稀

蕃薯粥

將蕃薯蓉加入煮好既粥底

三文魚南瓜粥

三文魚建議買挪威刺身   但試過都有魚骨   所以蒸熟後搓成魚蓉前都要嚴選一下

同時可將南瓜蒸熟磨蓉備用

粥底煮好  就可以加入三文魚及南瓜蓉

*三文魚含有豐富omega 3  對小朋友既腦部發展非常重要  仲可以增強記憶同專注力

溫馨提示 : *記得為bb配備一套安全又合適既餵食工具

冬瓜肉碎蛋黃粥

先將雞蛋 冬瓜蒸熟

雞蛋只取蛋黃部分壓蓉   再將冬瓜切碎

*由於冬瓜煮熟後會出水  所以煮粥底時   可以減少水份比例

粥底煮好  就可以將蛋黃蓉 冬瓜蓉及肉碎加入煮熟

非常適合夏天進食

西蘭花魚肉小米粥

西蘭花只需剪出頂部小花   *記得用清水浸至少半個鐘除農藥

海魚蒸熟 去骨拆魚肉備用

小米營養豐富 而且非常易煮

*水煲滾後放入小米  再煮滾   調至中火慢煮  加入食材(西蘭花)煮至黏稠粥狀就可以

豆腐生菜瘦肉粥

先將生菜切碎   豆腐壓蓉備用

*夏天天氣炎熱   街市買既豆腐較易變壞   記得小心處理

因兩樣食材都較淡味  所以加左瘦肉入粥底提升鮮味

*不過健康院姑娘建議要食埋d肉先有營養   當然要先處理成肉蓉方便bb吞食

蕃茄雞蛋粥

先將蕃茄洗淨  放入米和水內一齊煮滾再拿出

咁就好容易可以同蕃茄去皮  然後再切碎備用

當粥底已差不多完成  就可以放入蕃茄同雞蛋

倒入蛋漿  再攪拌就可以攪出蛋花   簡單又方便

蕃茄免治雞肉粥

蕃茄準備方法同上  免治雞肉備用 (*建議買無激素免治雞肉)

因雞肉較需時煮熟  請預留粥底煮好前15-20分鐘放入免治雞肉

菠菜豬肝粥

將菠菜浸洗切碎   豬肝沖水清洗後切粒

豬肝加入粥底有效提升鮮味 煲好後可取出

最後放入菠菜碎    再煮滾便可

節瓜肉碎粥

節瓜洗淨去皮去籽  切片蒸熟壓蓉備用

因豬肉也需較長時間煮熟  請預留粥底煮好前15-20分鐘放入免治豬肉

最後放入節瓜蓉便可


同大家推介埋另一樣省時+零失手bb煲粥輔助神器

好物推介2號: THERMOS炆燒壺

米高媽媽習慣煲粥前   先將滾水倒入炆燒壺內預熱 可提升保溫度 (*放入白米前先倒走熱水)

如想準備兩餐BB粥仔    份量約1/4杯白米

洗米後   將米放入壺內   再次加入約7分滿大滾水

約兩小時後   白米就可以焗成一壺滿滿既米花

跟住就可以將米花加水放入煲   煮成粥底

咁樣會比傳統方法大大節省20-30分鍾煲粥時間

而煲好既粥仲可以放番入壺內保溫    保溫效力高

輕鬆帶出街   BB就可以有新鮮自家製愛心粥食啦

其實煲粥就係咁簡單    有左哩兩樣煲粥輔助神器

各位地獄廚神媽媽都可以升呢成為美女廚神


 

 

Like一Like 包包陪細佬b看世界 facebook專頁   可搶先知道更多至潮至UPDATE親子分享

米高媽媽好物推介 。慳錢情報。心靈雞湯。親子旅遊。包包去哪兒。潮食週記。


Posted on July 4, 2019 By

行街市見到好靚嘅節瓜,咁就加埋蟲草花同乾螺頭一齊煲,等兩位老細提高免疫力。咁….依排嘅天氣真係陰晴不定,一時又落大雨,一時又出太陽,咁又真係好容易令人病,佢地一病我就慘啦,所以要趁依家打好個底嘛~

蟲草花就有滋肺補腎護肝、抗氧化、防衰老、抗菌抗炎、鎮靜、降血壓、提高機體免疫能力等作用;螺頭滋陰潤燥補肝腎;節瓜具有清熱、清暑、解毒、利尿及消腫等功效;淮山健脾開胃,其他好處為治療久泄久痢、肺氣虛燥、及消渴尿頻等症;紅蓮補脾止瀉,益腎澀精,養心安神;蜜棗止咳潤肺、化痰平喘功效。(網上資料)

節瓜兩條、蟲草花一両、乾螺頭一両、淮山一両、紅蓮一両、蜜棗三粒及瘦肉約$40~

乾螺頭就先用清水浸泡過夜,等佢浸至軟身~

蟲草花及其他藥材就浸洗一陣~

節瓜刮去外皮後切件~

瘦肉洗淨汆水~

煲內放約2.5L水,待水滾後加入所有材料~

待再次滾起後,繼續用大火加蓋煲約15分鐘~

然後轉慢火加蓋煲多1.5小時~

最後加鹽調味,就可以飲得啦~

溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!