今次同小小豬整嘅呢個甜品──光波棉花糖燉蛋，真係幾時都咁啱食！
材料包括 : 雞蛋3隻、砂糖3茶匙、鮮奶200ml及適量棉花糖！
首先打發雞蛋
然後加入砂糖，食譜原本係加入3茶匙砂糖，不過我唔想小小豬食得太甜，所以都只係加左1.5茶匙砂糖！
最後加入200ml鮮奶攪勻！
攪勻後就可以慢慢倒入焗杯啦！
放入光波爐內，以低架180度光波15分鐘！
當光波完15分鐘之後，建議用牙籤輕插看看是否全熟，如有需要可以多加光波3分鐘！
將已光波好的燉蛋取出！
然後將棉花糖於燉蛋面上！
再放入光波爐，用180度光波6分鐘或至金黃(要小心看著棉花糖，好易濃呀)！
完成....可以食得啦！
心急嘅小小豬已經等唔切，要即刻食啦！
其實小小豬心急係啱嘅，因為焗好左嘅棉花糖就會軟棉棉，配埋個燉蛋一齊食就好好食啦！但如果一凍左，棉花糖就會收縮，之後會變硬，咁就唔好食啦！
哈哈哈...簡簡單單又整左個好味甜品又同小小豬過左一個溫馨下午，都真係唔錯呀，等我搵多啲唔同種類嘅簡單食譜，同小小豬多啲親子廚房先得！
