小孩的語言令嘆為觀止，
不是語言能力，而是小孩與生俱來的技巧。
例如：
爸爸吃曲奇，Littlemoon就會說: 爸爸，食物要分享喎！ (我想食喎！)
然後Littlemoon食麵，就會說: 食物要分享喎！爸爸 (我唔想食呀，你幫我食呀!)
又例如見到爸爸用掃地，Littlemoon就會說: 爸爸，我想做家務! (我想玩掃把喎！)
Littlemoon開玩具盒，就會說: 爸爸，要互相幫助呀！(我開唔到呀，爸爸幫手啦)
Littlemoon玩Lego，走到爸爸面前: 爸爸，你過嚟睇吓，係機械人2號！(爸爸過嚟同我玩啦！)
晚上，Littlemoon說：我仲未聽故事喎！(我唔想咁快瞓喎! )
太多例子不能盡錄，有時候我也會錄低這些對答，當和朋友分享這些對白，他們的小孩也是一樣曲線。
想起自已小時候和她一樣年紀時，只是一舊飯，還會將括弧裡的對白直線講出來，
與生俱來懂得曲線，人類真的進化鳥！
