其實Lu爸不知薑醋的味道如何，但話說對產婦有活血去瘀，滋陰驅寒，補身調養之效。禁巴閉，Lu爸當然又要去準備下：
1. 去街市找老薑，外表較粗，土黃色的。但價錢由十幾到幾十蚊斤，貴過舊金。
2. 啲薑一次買幾斤，拎到手痛。拉車仔去買有so。
3. 用清水把薑洗淨。
4. 把薑皮刮去，並留著薑皮。
5. 把薑皮風乾或曬乾，放入儲物盒。
6. 把薑皮煲水給產婦沖涼或浸腳，據說可替產後媽媽驅寒。（注意水溫）
7. 把薑切件，拍扁。用白鑊烘乾。
8. 把薑塊放入瓦煲再落醋。文火先煲滾再用細火煲10-15分鐘。之後可每隔5-7天再煲。
9. 豬腳和蛋，因個人喜好添加。
材料：
老薑（一斤薑一斤醋比例）
甜醋
蛋 （煮好後兩三天食最好）
豬手（一分四，要先汆水）
用具：
瓦煲
