其實媽媽們會否好擔心在產房遇到我返通宵班呢？話說執媽返工係會不停巡視各位媽媽嘅餵奶情況，
不論早、午、夜，
生完bb嘅媽媽其實好累好累，會好想瞓教，
但遇著執媽，半夜三更嘈人起身餵奶！！
應該好多媽媽會好想打我！
不過初生階段半夜起身餵奶係必需架！
一嚟餵人奶既頭幾日，媽媽既奶量都係好少，每次bb啜好耐可能都係得幾毫升，因為佢個胃仔都好細，人奶又容易吸收，所以真係一至兩個鐘就要餵奶架喇~
有人又會問：「又話餵人奶係按需要比佢食既？」
啱，如果係一個高需求bb,的確係佢想食就要比佢食，食幾耐、食幾多餐都要比，
但係當你生著個懶訓豬，肚餓、痾左屎尿都唔會喊，淨係掛住訓既bb，試問頭一兩個星期又點可以feed on demand呢？因為佢根本就冇demand！
呢個時候就好靠媽媽既自覺性！兩至三個鐘就要叫佢起身食奶架喇～
如果bb真係完全掃風都唔醒，媽媽都要每兩至三個鐘嘗試手渣奶去刺激上奶！！以維持「demand」！
要戒夜奶都等bb滿月，飲奶有返咁上下叻叻先去戒架
二嚟，半夜分泌更多催乳激素，所以係初生階段唔夠奶既情況下，半夜餵奶對媽媽黎講簡直係比飲上奶茶更effective!!想上奶快d既媽媽唔好錯過喇，不過如果可以配合上奶既炒米茶/茶包/食療，就更加事半功倍喇
講真果句，做d調查先
生完既媽媽話下比我知
其實你地想唔想係醫院半夜有姑娘黎教你地/嘈你地起身餵奶架？
定係你地想補奶粉等大家有得抖？
等我知道下大家其實點諗
我驚d媽媽會憎左我
#港式執媽
#半夜起身餵奶
#半夜餵奶其實有d孤獨
#可以搵我傾計wor
