2022-02-01

17.2K

【農曆新年】不可以食粥、午睡?10大農曆新年傳統禁忌(內含新年禁說)

仲有幾日唔夠就新年,禁忌交口相傳,其實都難以分辨真確性。雖然好多禁忌聽落都唔科學。但係遵守一啲新年禁忌或傳統禁忌,無疑令過年更有氣氛。同小朋友一齊仲會有玩遊戲嘅感覺添!如果想新一年有好意頭,不妨避開呢啲禁忌。

1.朝早沖涼洗頭
初一朝早沖涼洗頭,會洗走財運!

2.叫全名催人起身
新年一開始就被催促,象徵對方嚟緊一年都會畀人催住做嘢。

3.午睡
傳說以前有個講法:男人日頭瞓,田地會崩塌;女人日頭瞓,廚房就會塌陷。喻意新一年如果懶散咁過,就會冇啖好食喇!

4.鬧小朋友
一年嘅開始就唔好家嘈屋閉喇,為新一年和睦相處開個靚頭啦~

5. 洗衫
傳說初一、二係水神生日,所以唔可以洗衫!

6. 倒垃圾
初一至初四垃圾係財氣嚟,唔可以掉!要儲到初五先可以掉出街。

7. 殺生
年初一忌殺生,所以就盡量唔食肉喇。

8.食粥
多數病人先會食粥,年初一朝早食粥就唔吉利啦。

9.送單數禮物畀娘家
送單數禮物畀娘家一定要雙數,單數唔吉利呀!

10.曬衫
傳說初九係「天公生」,即係玉皇大帝生日,唔可以曬衫架!

新年禁話

新年最好盡量說好聽嘅說話,不吉利嘅字眼避免,例如「滾開」、「死」、「病」、「妖」、「鬼」、「輸」、 「窮」、「破財」等,或者諧音「書」(有「輸」意思)、「鞋」(有「唉」意思)等等,特別係長輩面前,最緊要慎言,多講祝福嘅說話,此外記得不要發脾氣,否則心情差,影響新一年的運勢。

雖然好多禁忌聽落都唔科學,但係遵守一啲新年禁忌,無疑令過年更有氣氛。同小朋友一齊仲會有玩遊戲嘅感覺添!


相關文章

【跟住小編做媽咪】家居風水DO & DON'T!BB床怎樣放?半夜爆喊有污糟嘢?

【農曆新年】18區應診醫生、24小時門診名單一文睇晒

【飲食禁忌】7歲女空肚食柿 20日後肚劇痛 胃長出拳頭般大結石

陪孩子做功課技巧秘笈 誤犯禁忌慘過孩子自己一個做!

緊貼新冠肺炎最新相關資訊