【在職人奶媽媽】簡易辦公室增乳飲品分享

女人語
親子生活
Posted on February 20, 2018 By       2,678

startup-photos

分享一下我過往的Office增乳飲品,憑著自己一份執著、硬頸嘅個性,我足足餵了母乳達18個月。最初我仲以為自己好快就會放棄,因為乳頭嘅破損真係很苦。不過,對我嚟講,餵哺母乳最大嘅得著,就係讓我同和牛B嘅關係一直保持好親密,好close

正正就是因為我是在職媽媽,所以我呢一份執著與堅持就更加深。

至於奶量如何保持,其實我奶量一直唔算太多,最高峰時期每泵都係有150ml(5oz),我每日都會保持住泵4次。復工後首月每泵仲可以保持喺150ml,兩個月後,奶量開始下降至每泵120ml(4oz),可能要工作有壓力影響奶量,所以唯有多啲飲水啦。

再過4個月奶量已下降至每泵90ml(3oz)。接著5個月更走下陂,奶量每泵降至60ml(2oz)。放棄嗎? 未,仲想堅持多一段時間,所以也努力地喝一些增乳飲料。

但,我體質比較特別,其他人說work的增乳飲品很有效,但在我身上不太起效。

 但這個「秘製炒米茶」,真的要跟大家分享! 因為呢個炒米茶,喺我身上起了效用,感謝同事同我happy sharing,先可以讓我保住奶奶~增多一點點~我也想分享給正在餵哺母乳的媽媽。

1.   秘製炒米茶<推介!>

點解我會列明為推介呢? 因為呢個炒米茶係非一般嘅炒米茶,當中加了杞子、圓肉、淮山、紅棗及炒米而成嘅自製茶包。一個茶包足夠一日嘅份量,而且味道好清香,好易入口。讚讚讚! 而我飲用咗之後,奶量明顯上升,由60ml回升至90ml~不過,每個人體質不同,有同事飲後會出暗瘡,覺得比較燥熱,我就沒有生暗瘡。

2.   Hipp有機授乳茶

呢個牌子,最近也廣泛地在電視賣廣告。聽朋友分享這個茶都係有增乳功效,而且顯著,很可惜…我的體質飲咗之後,功效唔太顯著,微微的~ T~T (覺得傷心)

3.   自製黑豆茶/ 黑豆茶茶包

黑豆茶,很多朋友分享亦是有效增乳良品。但是用於我身上,有啲效果,但係唔顯著…

自製炒黑豆茶,做法非常簡單而且好平。喺街市買一包黑豆只需十幾蚊,$10巳7份量已足夠一個月飲用。黑豆記得要買青仁黑豆,即是黑色嘅外殼,內裡係青色嘅豆。先清洗乾淨黑豆,晾乾後炒,炒至外殼爆花即成,放涼後將黑豆倒入玻璃樽保存。

自己炒嘅黑豆茶,沖泡後非常黑蚊蚊~好似墨汁一樣~不過易入口嘅。

再方便啲嘅話,可以喺無印良品買「国產大豆の黑豆茶」,佢有大包裝及小包裝。如果未飲過建議先買小包裝,試過覺得有效果同啱口味,先再買大包裝~小包裝有10小袋茶包。

4.   茴香汁

曾在網上看到媽媽分享,飲用過後增左一半奶量,即平時每泵5oz奶,可增至10oz奶,不過我就無試過。

希望本篇分享文,能夠幫助餵哺母乳媽媽啦~母乳媽媽千祈唔好俾自己過分大嘅壓力,順其自然啦。和牛B也是人奶+奶粉寶寶來的,一樣健健康康。

————————————————–

Facebook專頁和牛B嘅成長專頁

Momo
一直不喜歡小孩的我,突然有一天我很想和老公擁有屬於自己的寶寶。半年內,我便有了屬於自己跟老公的小寶貝。從懷孕到寶寶誕生,這段時間改變了我很多!從不喜歡,去到很喜歡,每天都用心去愛孩子及家人。藉此分享懷孕、育兒心得。
 
© Baby-Kingdom.com Limited. All rights reserved.