【限時優惠】全新360VR體驗館 試玩4種驚喜體驗

旅遊情報
Posted on February 21, 2018 By       2,325

【親子好去處】全新360VR體驗館 @昂坪360

適逢情人節,人人都會去搵間靚靚餐廳食餐好,或者去商場應下節行下街,再唔係送埋花去海邊吹風或到山頂浪漫一下。但係我哋偏偏去咗昂坪360,行開行埋唔係大媽就係老友記,一對情侶都唔多見,皆因昂坪360開咗個全新360VR體驗館呀!


 
除咗因為360VR體驗館開幕之外,適逢今年情人節同年初一只差兩Days,所以上到昂坪巿集都充滿新年氣氛。

呀妹知道有得再搭昂坪纜車超興奮,因為佢真係好鍾意坐水晶車廂。

今日風和日麗全日都好好天又唔係太凍,望住窗外面風景真係好提神。

 
【親子好去處】全新360VR體驗館 @昂坪360
 

我哋坐嘅呢架車廂,仲係以維港做主題,小朋友見到都零舍開心。

冇人幫手又冇帶腳架嘅情況之下,我居然可以拎住部單反Selfie,連我自己都唔敢相信。

 
【親子好去處】全新360VR體驗館 @昂坪360
 

兩個繼續欣賞沿途風景,我同媽咪終於可以抖下氣嘆一陣,心諗可唔可以唔好咁快到。

沿上得高就有D曬,即刻戴番副超擋一擋先。

望落去下面風景起初真係有D畏高,不過習慣咗就OK,唔知將來會唔會有一架全個車廂都係玻璃的全水晶車廂呢?

 
【親子好去處】全新360VR體驗館 @昂坪360
 

到咗昂坪巿集,見到都係新年佈置,超有過年氣氛。

在圓形廣場設有新春喜慶行大運巨型新春佈置,仲有個真實纜車車廂可以俾大家打卡放閃。

 
【親子好去處】全新360VR體驗館 @昂坪360
 

今次上嚟昂坪360另一主要目的,就係要嚟玩吓呢個新開的「360VR體驗館」,因為依家仲做緊限時免費優惠。

優惠期內可免費試玩4種驚喜體驗
1/ 百變魔衣櫥
2/ 高空索道行
3/ 與胡巴捉迷藏
4/ 光影許願樹

「360VR體驗館」門票要去旅遊資訊中心索取,先到先得。每個時段30分鐘,每段之間有15分鐘休息清潔時間。

裡面採用懷舊香港做主題,配合電影《捉妖記2》同胡巴及其他角色一齊玩VR遊戲。

百變魔衣櫥俾你著上由國際時裝設計師Vivienne Tam設計的《捉妖記2》時裝

呀芊着咗件衫成個小矮人咁好攪笑。

 
【親子好去處】全新360VR體驗館 @昂坪360
 

哥哥玩完之後仲過嚟攪攪陣,一出現在屏幕前就搶咗條裙去著。

然後過隔離玩「高空索道行」,先除鞋穿上腳套,再著上預備好的拖鞋,戴上VR鏡後就開始玩啦!

 
【親子好去處】全新360VR體驗館 @昂坪360
 

兩個戴上VR鏡後,進入另外一個空間,就喺一條高空索道上。

兩個實際只係走喺一條獨木橋上面,不過真係好逼真,明知係假但係都會被視覺影響。

佢哋仲有個簡單任務就會要切斷VR世界內的汽球繩索。

然後再到隔離玩VR射擊遊戲,在香港街道上搵胡巴出嚟!

 
【親子好去處】全新360VR體驗館 @昂坪360

【親子好去處】全新360VR體驗館 @昂坪360
 

孭起個VR裝置,好似「捉鬼敢死隊」。仲有手拎住支槍,不過遊戲裡面係支弓箭。胡巴在遊戲周圍出現,小朋友一定鍾意!

本來個遊戲就唔適合呀芊玩,但係佢嘈住話想試下,結果媽咪就陪佢試玩一轉。

最後「光影許願樹 」俾大家可以拎起道具橙,寫上祝福字句,然後拋上去屏幕許願樹。

 
【親子好去處】全新360VR體驗館 @昂坪360

【親子好去處】全新360VR體驗館 @昂坪360
 

呀芊大大力一拋,俾佢掉到上樹好開心。

輪到呀哥寫完掉上樹,點知一掉掉咗上去屏幕上面,真係激死人。不過掉唔中都可以放心,可以在掉過。

半個鐘頭絕對足夠玩齊4款遊戲。

離開咗「360VR體驗館」出到嚟見到一棵仲大嘅許願樹,又一個打卡景點。

 
【親子好去處】全新360VR體驗館 @昂坪360
 

如果大家唔得閒去林村的話,上到嚟呢度一樣可以見到咁逼真嘅許願樹。如果在昂坪巿集消費滿$150,仲可以有一塊許願牌,可以祈福祝願。

之後我哋再去埋360舞臺同360動感影院,玩住食食住玩。

消費每滿$200仲可以有攝影服務㗎!

最後我哋去埋食豆腐花。

 
【親子好去處】全新360VR體驗館 @昂坪360
 

好食到唔記得打卡。

今個新年一於去昂坪360玩下最新嘅360VR體驗館。

之後我哋仲行埋街Shop下平,估唔到每間店的產品都超有本土特色,以前覺得紀念品一定係俾遊客,但係原來可以好靚,攪到我都大出血。

兩個都用咗自己利是錢買咗自己心頭好!

 
【親子好去處】全新360VR體驗館 @昂坪360

 

 

kimfamilytravel
我不是甚麼旅遊達人,我寫的也不夠全面,只希望記下太太跟小朋友的點點滴滴,藉此也可跟大家分享些心得!
 
© Baby-Kingdom.com Limited. All rights reserved.