【觀塘出現懷疑拐帶事件】家長要教小朋友定義「陌生人」

父母教室
Posted on April 13, 2018 By       2,009

家長帶小朋友去公園放電要留神!有報導指,上星期三(4月4日)有家長帶囝囝到觀塘某公園玩,離開時小朋友突然跑走,有一名老伯拖住囝囝離開。及後家長追上前,發現小朋友目光呆滯,懷疑曾遭迷魂。事主指老伯疑有老人痴呆,所以無報警處理,但有向社區主任求助,而社區主任亦表示收到兩宗求助。

 

無論今次事件是誤會,抑或出現拐帶案件,每次出現同類情況,都是對家長的提醒!如果想避免有人惡意拐帶小朋友,首要教識小朋友好好保護自己!

 

家長都一定會同小朋友講:要小心陌生人啊!但平時在社區會經常碰面的街坊鄰里,又算不算是陌生人?小朋友見到面會認得,叫聲「姨姨叔叔」,對於小朋友來說其實並不算陌生人。所以要教導小朋友要有警覺性更重要,無論係認識的、未見過面的人一樣要提防。

 

另外,留意到很多家長陪小朋友放電時只顧玩手機,但有時一不留神就會令壞人有機可乘,家長一定要時刻注意小朋友安全啊!

 

相關文章:教導小心陌生人,或令孩子更危險

BK Milk
《親子王國》為爸爸媽媽提供的優質營養食糧。
 
© Baby-Kingdom.com Limited. All rights reserved.