奶奶鬧新抱「搶走我個仔」要帶BB移民報復!

夫妻關係
Posted on May 11, 2018 By       5,952

成日聽到有好多婆媳糾紛,好多新抱都會以見少啲面解決問題,但今次喺討論區睇到嘅呢一個事例,即使奶奶同新抱分隔兩個國家,都解決唔到,最後演變到離婚收場。

 

討論區有位網民分享朋友嘅經歷:因為奶奶早已移民加拿大,朋友婚前同奶奶見面次數有限,不清楚奶奶的性格。當朋友生了BB後,奶奶明言以「你搶走我個仔,我要搶返你個仔」為由不斷要求帶走BB返加拿大,分開兩母子!最後呢位朋友以離婚結束呢場拉鋸戰…自己湊返BB。

 

網民一方面當然係覺得奶奶做法太極端,但另一方面,都覺得最奇怪嘅係老公係點樣處理當中的糾紛?有無為阿媽同老婆講說話?雙方甚少見面,但有咁深嘅誤解又係點樣造成?當佢知道阿媽覺得「有人搶走我個仔」嘅時候,有無出黎幫老婆解釋清楚?當然以上的問題都無答案,但從開post嘅網民形容都大概知道,呢位男士無做好作為仔同老公嘅角色,成件事當中都係置身事外。

 

兩個家庭的結合,最理想當然係結婚後老爺奶奶多咗半邊女,和諧共處,但奶奶視新抱為搶走佢個仔嘅人,想避免關係惡化,做仔嘅角色好重要,用行動證明自己無因為多咗個老婆而忽略阿媽,免卻雙方不必要的誤會;同時維護老婆,唔會令老婆承受不必要嘅壓力先係好老公!

 

即刻上討論區一齊傾

 
© Baby-Kingdom.com Limited. All rights reserved.