【媽媽心聲】當媽後的十大轉變 您中了幾多個?

女人語
Posted on May 15, 2018 By       1,545

當媽後轉變之大,令我自己都好意外~

只能就媽媽的愛,真的非常偉大!

以下為我當媽後的十大轉變,您中了幾多個呢?

「千斤都不怕」

以前拎一陣重物就叫救命,

依家突然大力士上身,

陀一個,再抱一個都應付到!

一聽到乖囡囡撒嬌:「媽媽抱~」

我的心更完全被溶化,即刻會忍不住抱抱她!

「龜速覆msg」

從前未當媽前,基本上電話不離手!

朋友傳到的訊息總會飛快回覆,

依家卻變成慢幾拍~~

因為與女兒玩樂時,我盡量不望手機訊息,以免分心!

「聽陳奕迅變聽兒歌」

過往熱愛聽流行曲,

Eason..五月天…楊丞琳有新歌會即時收聽,加入歌單!

現時,我整個歌單都變成兒歌,

更熟背歌詞及舞步,只望卡樂B一笑~

「睇食譜書變睇童書」

以前最鐘意睇食譜書,學習不同菜式!

現時,家中被童書包圍,化身講故事姐姐,

與卡樂B體驗書中樂趣!

「囉嗦百倍增」


還是少女的我,總討厭媽媽的囉嗦,

總覺得事情講一次就夠,

不用重覆又重覆!

現時到我當媽後,對住卡樂B慢慢變得囉嗦起來,

看見她跑跑跳跳,總忍不住叫她:「小心d! 唔好跑咁快!望前面呀~」

「日日與陽光玩遊戲」


自從工作後,每日放工都覺得疲累,

放假更懶洋洋,只想宅在家中!

生B後,每日與好動的卡樂B外出玩樂成為指定節目,

公園基本上成為必玩地方之一!

「精打細算」

從前始終有份全職工作,經濟上較自由!

就算東西買貴少少,都無所謂啦~

不過當媽後沒有上班,對每件物品支出變得便感,

盡量精打細算,不加重老公負擔!

「記性變差」

以往記性尚算不錯,尤其記人樣/名字/行程特別有信心!

自從生B後,記性大不如前,

經常轉一轉身,就忘記新相識朋友姓名!

而且不用筆記本記下行程,必然會忘得一乾二淨!

「留意食物標籤」


生B後,對食物營養標籤變得格外敏感,

盡量為孩子預備較好、較健康食物!

「變成人肉廚餘」

卡樂B進食心情時陰時晴,她有時未必可以全部吃光!

為了不浪費食物,我就自動自覺幫她執手尾~

不知不覺,體重亦上升了不少呢~

LULU
80後「新手在職媽媽」LULU,每日努力學習成為好媽媽!夢想有日成為全職煮飯婆,過著無憂無慮的少奶奶生活。在此分享在職媽忐忑心情/育兒點滴/食譜/日常生活趣事。
 
  • 搜 尋
  • APP
  • 網 站
© Baby-Kingdom.com Limited. All rights reserved.