【父親節快樂】 呢啲唔係時裝車禍 係妳哋唔明嘅爸爸Fashion咋!

女人語
Posted on June 13, 2018 By       12,915

爸爸襯衫,好多時都搞到媽媽哭笑不得!

有冇見過咁有創意嘅著法?

睇吓呢個BB貼服嘅蛋撻頭,性感嘅一件頭,仲有爸爸滿意嘅笑容。媽媽們,冧唔冧呢?

返返嚟香港主場先!就嚟父親節,今日就為成日被媽媽嫌棄襯衫嘅爸爸平反,細數爸爸獨特嘅Fashion品味:

Fashion嘅嘢當然係唔可以甘於平凡,首先襪仔唔同款係基本喇。

知唔知拖鞋襯襪仔,係韓風潮男必要條件。

褲仔著太多次冇晒新鮮感?冇問題,反轉著又係下一季潮流喇!

泳衣款加埋Leggings,咁嘅cutting先襯托到囡囡身形架嘛。

當然髮型都唔可以怠慢,除咗髮飾,凌亂美嘅髮絲都係重點!

你以為睡衣只可以著瞓覺?咁諗就太天真喇,睡衣嘅pattern同原宿風不謀而合。一套著得,兩套crossover亦得,得咗!

女仔唔一定要甜美,偶爾行吓boyfriend風都唔錯,係唔係唔講都唔知呢個係囡囡嚟架呢哈哈!

最後,其實Fashion嘅本質係「只要model夠正,著咩上身都好睇」,所以好相信囡囡會將羊毛底衫carry得好好睇,先會著出街架!

 

圖片來源:育茶手記 小高廚房 x 小如天地初初 我要做靚媽 Chocho Mamamrs co:lam 凱林家生活網上圖片

 

金秀妍
作為童心未泯小編,希望發掘更多小確幸、大美好。
 
© Baby-Kingdom.com Limited. All rights reserved.