孕婦失魂記 明天會更傻

懷孕分娩
Posted on June 21, 2018 By       1,430

今日我要講一個孕婦失魂的故事!

今早準時起身,打算出發到健康院之際,
先發現忘記帶銀包同鎖鑰,
幸好卡樂爸未出門口,可以入屋取回所需物品!
當我拿了銀包,興高采烈出發時!
一關門,我才發現忘記拿鎖鑰~
之後又回家取鎖鑰!

當你以為失魂事就此完結,邊有可能呀?
健康院飲完糖水,食完午餐,買好餸,
打算回家小休片刻~~
沒想到,一到門口先發現我拿錯了娘家鎖鑰!
因買了比較多急凍食物,
只好搭小巴到奶奶家拎後備鑰~~
之後回家放底餸菜,就出發去開會!

開完會,我便回家預備少少餸!
之後出發去上堂,一落樓先醒起忘記拿傘及後備電源~
只好又回家拎,點知失魂又發作!
拿著傘落到街,才醒起沒有拿後備電源!
媽媽我真係好累啦,沒有氣力再返轉頭~

不得不承認,孕婦好容易跌入失魂漩渦,
自從有了BB後,明明精神不錯,
不過卻做了一件又一年失魂瘀事,
我只好安慰自己,腦容量都被BB佔據~~

而且一孕傻三年,
我相信傻事會繼續發生,
明天會更傻!!!

LULU
80後「新手在職媽媽」LULU,每日努力學習成為好媽媽!夢想有日成為全職煮飯婆,過著無憂無慮的少奶奶生活。在此分享在職媽忐忑心情/育兒點滴/食譜/日常生活趣事。
 
  • 搜 尋
  • APP
  • 網 站
© Baby-Kingdom.com Limited. All rights reserved.