考完試就應該係開始瘋狂去玩嘅時候,不過小小豬考完試又到我病左,所以困左屋企幾日,小小豬都話有點悶。今日我又有返啲精神,加上又收到公關姐姐邀請,所以就嚟搵PIXAR朋友仔玩下啦~
由於今個暑假迪士尼搵左一大班Pixar朋友就主角,最重點就當然係那「Pixar水花大街派對」(其實我自己都勁期待)。所以今次就係太古城嚟一個迷你Pixar派對,四四個玩樂區,免費俾我地玩之餘仲可以影靚相添!
首先就係要去搵《超人特工隊》嘅超能爸爸同積仔,企係電浮車上影相即刻型晒~
其實我個人覺得依個件除左有得玩之外,都係一個唔錯嘅靚位嚟呀~
當然唔少得《玩轉腦朋友》,先嚟係跳舞台上跳下舞。每踏一格就會有唔同顏色嘅燈,都幾靚呀~
當然仲有今次活動嘅主力"THE BIG SPLASH" 體感浮床區~
由十二個英文字母組成嘅浮床區,係上面行下瞓下又單下,小小豬都玩得不知幾滿足~
當然唔少得睇下迪士尼樂園暑假嘅介紹,小小豬見到個水花巡遊海報都話好想入去玩水啦~
玩完仲可以睇下Pixar出嘅精品,不過場內就冇得買,想買就要入園選購啦(園內依家做緊會員六折,睇定入去買就啱晒...哈哈哈)~
四個玩樂區免費任玩,只要乖乖排隊就可以入場玩同影靚相,不過大家玩嘅時候要小心,一切都要安全至上呀!
記住...記住....入去玩體感浮床係要著襪仔呀!
More information :
日期 : 即日起至 2018年 7月15日
時間 : 11AM-9PM (浮床每日3pm及6:30pm會消毒清潔半小時)
地點 : 太古城中心2/F 中橋
Website:www.cityplaza.com
Facebook : https://www.facebook.com/cityplazahk