【BB來了】婆媳關係水火不容?奶奶同阿媽3大分別

女人語
Posted on July 27, 2018 By       13,366

睇《BB來了》嘅時候,唔少人都覺得婆媳關係嗰部份刻劃得好寫實。生咗小朋友之後,同奶奶嘅關係愈嚟愈緊張。反之,阿媽就算幫手湊B時有咩蝦碌嘢,都係真心真意支持自己。睇吓網民心目中奶奶同阿媽有咩分別喇!

可以責怪 VS 保留面子

最近幾集《BB來了》Ali大鬧奶奶,反而引起網民嘅激憤!尤其係生咗男丁嘅媽媽們,紛紛話如果第日個仔由得個老婆指住自己嚟鬧,簡直係極之窩囊!所以話對奶奶係應該多一份尊重,唔係就連老公都變得不孝喇。當然都唔可以指責自己阿媽得太過份,只係相對地容易表達自己想法,唔使兼顧埋老公呢個三角關係。

生我養我 VS 過路人

客觀嚟睇,如果唔係揀咗呢個男人做老公,咁奶奶其實同過路人冇分別。就算奶奶錫自己,都只係愛屋及烏嘅表現,所以都冇辦法好似親母女咁Close。所以婆媳關係中「夾心人」——自己老公嘅表現就非常重要喇!

只得一個 VS 可以有第二個

喺討論區見過不少夫婦,因婆媳關係太惡劣,同老公得唔到共識最後離婚收場。嗰陣時真係換過個奶奶喇!但係無論鍚唔鍚自己都好,阿媽就永遠只得一個。咁最好都唔好令婆媳之間嘅關係差到要「換奶奶」啦!

其實「榮升」長老級之後,無論係做阿媽定奶奶好,都無辦法干預子女家庭咁多。如果踩過界,都會令女兒/阿仔/新抱好難做,仲影響大家關係!

入去討論區一齊傾:阿媽同奶奶分別今集 Ali 好衰

BK Milk
《親子王國》為爸爸媽媽提供的優質營養食糧。
 
  • 搜 尋
  • APP
  • 網 站
© Baby-Kingdom.com Limited. All rights reserved.