如何得知工人姐姐對小朋友好唔好?避免虐兒情況家長有對策!

父母教室
Posted on August 10, 2018 By       1,116

有網民在家長facebook群組出post提醒家長要小心惡家傭姐姐,事緣疑似有網民的媽媽在8月8日往沙田方向的巴士,見到印傭姐姐掌摑兩位小朋友,網民的媽媽出口阻止但竟然反被惡言相向,最後唯有影相出post提醒其他家長小心。

請工人姐姐有如買六合彩,搵到一個幫到自己手,對小朋友好就已經當中大獎,因為當中實在有太多東西要顧慮,撇開工作表現不說,單是講到工人姐姐與小朋友的相處已經夠令家長擔心,更有家長說過:姐姐對小朋友太好或太差一樣麻煩!

擔心姐姐言或虐打小朋友
有時候留意到家傭虐待小朋友被定罪的新聞,家長平時根本看不出家傭有異樣,令人心寒。所以家長最擔心一定是只有家傭與小朋友相處時,小朋友有沒有遇到不必要的惡意對待?

家長對策
家長應該如何知道小朋友有否遇上言語傷害或被虐打呢?雖然小朋友日常生活由工人姐姐照顧,但也不要忽略每天親子溝通的時間,每日都簡單問:「今日姐姐同你做咗啲咩啊?」久而久之,小朋友會主動跟你分享他們的相處,如果他們突然不願表達,家長就可以知道有異樣,提高警剔。家中有安裝Cam亦好重要,如果家長讓工人姐姐知道自己會不定時開cam睇,亦有一定阻嚇作用。

擔心寵壞小朋友
如果遇上十分疼錫小朋友的工人當然是好事,但其實有部分工人姐姐比家長更怪獸,倒杯水都不用小朋友操勞,不出數年,就寵出一個失去自理能力,凡事都只懂叫姐姐幫手的公主病及王子病小朋友,影響深遠。

家長對策
家長可以同家中工人姐姐溝通,跟她說留意到她很疼錫小朋友,很感激她那些錫小朋友的行為,例如煮小朋友喜歡的食物已經很足夠,基本的自理留給他們自己處理吧!先讓姐姐知道你感受到她的好意,不會令她難受,同時她亦會明白培養小朋友自理能力一樣都是疼愛他們。

BK Milk
《親子王國》為爸爸媽媽提供的優質營養食糧。
 
© Baby-Kingdom.com Limited. All rights reserved.