2018-09-03

2.3K

【增強抵抗力】虎乳靈芝淮山麥冬瘦肉湯

真係幾討厭落雨天,冇得出去玩之餘依啲天氣都真係好易病,尤其就嚟又要開始學校生活所以都要為小小豬打好個底,等佢有個好體質同埋增強抵抗力,就可以開心健康咁繼續返學啦

一到左依啲天氣又係我煲虎乳靈芝嘅時候,今次我加埋淮山、麥冬蓮子...等一齊煲靚湯,除左可以增強抵抗力之,仲可以有助補血氣、強體質同埋潤肺止咳嘅功效呀~

虎乳靈芝對補益肺氣,對提高免疫力都有好有幫助;淮山健脾開胃、肺氣虛燥;麥冬具清熱養陰、潤肺養胃;百合有潤肺同清心安神作用;蓮子有助於氣血循環,亦有養心安神、健脾補腎;蜜棗潤肺止咳;南北杏可止咳下氣,潤燥消積。(網上資料)

虎乳靈芝半両、淮山半両、麥冬半両、蓮子半両、百合半両、南北杏一湯匙、蜜棗三粒、瘦肉約$35~


 將所有藥材浸洗一陣~


瘦肉汆水~


煲內放約2.5L水,然後隨水加入材料~


待滾起後,先用大火加蓋煲約15分鐘~


之後轉慢火加蓋煲多1.5小時~


最後加鹽調味,就可以飲得啦~


雖然係用左一大堆藥材嚟煲,但飲落一啲藥材味都冇,飲落仲甜甜地,所以今次兩位老細都飲得好滿旎,話咁快每心兩大碗咁清晒。不過....如果各位大小朋友病緊嘅時候,就唔好飲住,要等好番先可以飲啦!


溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!


【編按:以上內容為作者之個人意見及立場】

相關文章

【育兒禁忌】切勿過早如廁訓練 𢭃BB去大便恐增加脫肛風險!

【天瑜離世】8歲女童天瑜4年前因醫療事故變植物人 近日病情惡化家人忍痛決定拔喉

【異食癖】12歲女童愛吃頭髮惹禍 腹痛半年揭患異食癖

【家居好物】小朋友易染病難斷尾 一機過濾病毒兼消滅甲醛 確保一家健康!

緊貼新冠肺炎最新相關資訊