當了游泳教練一段時間，方力申有更多機會與小朋友接觸，不過小方當學生們是朋友，上堂氣氛輕鬆，絕對不是魔鬼教練；但講到做爸爸，小方就相信自己會是嚴父。
「點解BB都未識聽人話，父母已經要同佢哋講Sorry？」
小方有感時代不同，父母的管教都改變了：「我們當年會有體罰，父母經常出動藤條間尺，對小朋友相對較嚴格。有時候說『慈母多敗兒』的想法，其實某程度上都是真確的。」最令小方「睇唔過眼」的是父母的這種行為：「為什麼父母要經常跟子女Say sorry？中國人最難講出口就是『我愛你』同『對唔住』，見到好多父母連小朋友未識聽人話，已經同他們講Sorry！遲了換片都要Say sorry！」小方認為長此下去，小朋友長大後會看穿父母的心理，自小就懂得跟父母鬥智鬥力，更難管教。
唔怕40歲先做爸爸：「到時我會有更多時間陪佢！」
身邊朋友更相繼為人父母，有沒有令小方想當爸爸呢？「其實我有反省過，去到這個年紀還未結婚生小朋友，到底是好事或壞事？壞處在於，小朋友最活躍時，我已不夠力氣跟他跑跑跳跳，加上可能我死了仔女仍未成家立室。」
但小方始終相信投放時間在小朋友身上，比起作子女的玩伴更重要：「早生雖然有氣力，但正值拼搏時間會錯過他們成長過程。如果過幾年，我成家立室有小朋友，事業有多一點基礎，可以選擇工作時，可以花時間在小朋友身上，他們才有更健康的成長，經濟環境是重要，但父母陪伴的時間才是最重要。」
怕當夾心人 小方一額汗：「婆媳關係好危險！」
圖片來源：方力申Instagram
不過今日小方仍然未有對象，家人自然比他更心急。恨抱孫的方媽媽更說可以「要仔唔要乸」？令小方更擔心：「我媽竟然跟我說：『你不結婚或者跟誰結婚都不緊要，你肯生就可以了！』我聽了就知道大件事了，我媽根本不會理會我老婆是誰，這樣她們怎會有好的婆媳關係？」小方未有對象已經深深感受到處理婆媳關係的壓力，但都有信心會做到一個理想的中間人角色：「無論夫妻關係、父子關係、婆媳關係都需要磨合，不會有絕對的對與錯，到時唯有兩邊都幫！」
相關閱讀：方力申辦游泳學校滿足感大，責任更大：「小朋友係將佢嘅生命交畀你！」
場地提供：Hide n" Seek 僕匿匿 Party Room
