有得打保齡球、食自助餐、參加工作坊，仲有一系列嘅表演同小朋友互動遊戲時間，只係聽到覺得好節目非常豐富，咁就當然要帶小小豬嚟親身體驗一下，玩過痛快啦~
其實自我地上次係觀欄湖玩過一次之後，依隻豬仔就愛上左玩保齡球，成日都話再去玩多次。不過係香港可以俾小朋友玩嘅地方唔多，等左咁耐小小豬終於可以再次暢玩保齡球啦！
今次就嚟西貢嘅Tikitiki Bowling Bar，佢地每個月都會有唔同嘅主題，我地就係嚟參大加South Pacific 南太平洋派對~
一入到場就覺得好正，環境、音樂再加埋靚靚燈光，真係好想即刻跳入去玩餐飽呀~
南太平洋派對就即係打保齡球、食自助餐同埋參加工作坊，我地第一個活動就係先玩保齡球。
心急去玩嘅小小豬就當然係即刻去換對保齡球鞋先~
保齡球場附有動物滑動輔助，咁小朋友就可以輕輕鬆鬆咁玩啦~
不得不提下佢啲發光保齡樽，真係好靚好有FEEL~
有得玩嘅小小豬就當然係最開心~
基本上佢就全程不停玩，一球接一球完全唔洗休息咁。不過經佢密密打之後，有幾次仲打全中，仲不停讚自己叻仔添(真係好一個自戀的豬)~
話咁快就玩左一小時保齡，小小豬話一啲都唔攰，要繼續再玩過添~
我地下一個節目就係去參加工作坊，自己設計一頂靚靚水手帽~
有導師幫助之下，小小豬都好快手就諗好佢個帽嘅設計~
佢真係已經代入左自己係一隻係豬仔，連帽嘅設計都要加個"PIG"....哈哈哈~
玩左大半日，都開始肚餓了，所以就開始自助餐時間啦！
佢地嘅食物都好豐富，頭盤、沙律、熟食、湯類同甜品都一應俱全，而且味道都唔錯呀~
我就最鐘意小朋友甜品區嘅食物，因為每一款嘅造型都好可愛，見到即刻想食晒佢呀~
小小豬開心密密食，佢話食得好滿足~
邊食仲有卡通朋友嚟同我地玩呀~
係我地進餐期間，仲有LIVE BAND表演，超好氣氛呀~
小小豬睇得投入，仲被邀請上台齊齊JAM添~
仲有同其他小朋友齊齊跳舞~
接住仲有雜技表演~
之後一班小朋友仲齊齊去玩遊戲，最後當然係皆大歡喜，每個小朋友都有一份小禮物啦~
最後就嚟一個巡遊時間，各位大小朋友一齊加入跳舞同玩遊戲，將開心時刻推到最高點，場內各人都超級興奮呀~
正當我地打算離開之際，雜技哥哥出嚟為各小朋友大送扭扭氣球，咁小小豬就當然又要玩多一轉先肯離開啦~
開開心心又玩左大半日，小小豬就當然係超級盡興而回，佢仲話下次放假要再嚟打保齡球。咁我又覺得個場好舒服又乾淨(最重要係其他同場客人都係玩得好斯文，令我都好放心)，所以我完全唔介意再嚟玩多幾次！
