大家會唔會同我一樣，都有呢個想法?
就係BB由初生到而家，瞓著嘅時候BB都係特別可愛、特別似小天使。
見佢瞓著就會好想錫佢，但當佢哋瞓醒活動能力、說話超多嘅時候，又好想佢哋靜落嚟。
初生嘅時候，食飽奶唔瞓不停扭、不停喊係令我最傷腦筋嘅情景。
BB好似變成小惡魔咁…
當佢終於瞓著咗，馬上又變返小天使，超想錫佢一淡!!
而家和牛B大個咗，活動能力、說話能力都愈來愈好。
每日都會有十萬個為什麼，而且精力仲超旺盛。
不過，無論點都係自己嘅小寶貝。
瞓著時、清醒時，一樣都係我嘅可愛小天使。
--------------------------------------------------
