米高媽媽細細個既時候 屋企人成日話畫畫冇前途呀
畫家都係要死咗之後 啲名畫先至值錢㗎
特別係香港玩藝術攪創作真係好難維生
但係都總有特別例子既.....
就好似堅持努力創作嘅香港著名插畫師Prudence (Chocolate Rain創辦人)
一點一滴創造出一個又一個如夢境一樣美好既故事同展覽 鼓勵年輕人熱愛環境 釋放正能量同創造力
設計靈感源自於孩童夢想及奇妙旅程 以獨一 無二既設計同以親手製作既手工為最大特色
就連Prudence都話香港做一個香港設計係"好唔容易!" 工作室本身由一間如劏房(100呎左右) 既小店開始
但靠堅持初心 創辦人一步一步將Chocolate Rain帶到世界各地展出
(包括古根漢博物館 大英博物館等)
最欣賞品牌百忙之下 仲可以致力同各大慈善機構、環保組織合作 從唔同既媒界宣揚保育同關愛訊息
除左大家見到好多不同類型既Chocolate Rain產品外 更於今個月開設主題樂園Chocolate Rain Forest
集Eat X Play X STEAM於一身 當然要去試玩 支持本土地創作啦
一到大門就會見到巨大化Fatina同大家say HI!
攜帶BB車既家長可以先泊低架車 再同店員check booking
大家千萬唔好錯過正門口既靚靚影相位(右圖)
暫時做緊試業優惠 $180 (可以一名大人帶用一名十歲小朋友免費入場)
一於同大家欣賞下哩個城市中的童話森林
PLAY
嘩嘩嘩! 好COLORFUL既吹氣放電區
(小朋友記得著襪 及入內除鞋)
玩樂區佔地唔算太大 但入左去會發現有好多影相位
而且場內仲有職員維持小朋友秩序 相當貼心
超可愛既吹氣小恐龍呀 小朋友爬上恐龍身體時緊記要注意安全
粉色波波池 又一打咭影相靚位 包包率先試影
Chocolate Rain迷必定心心眼既巨型吹氣Fatina 放於波波池正中間
玩玩下包包突然又話要去油顏色 哩度正正就係想小朋友Free to play!
另一邊係充滿童真既吹氣磨菇屋
屋內有小朋友最愛既充氣彈床 而且仲加入變色效果
磨菇屋配上開心充氣滑梯 細佬B玩到唔捨得走
EAT
入場費會包(有機茶 曲奇同份子甜品)一set 造型非常精緻
是日甜品: 由星級主廚創作既分子焦糖燉蛋配意大利雪糕 好好味呢
估唔到去PLAYHOUSE都可以食到分子料理 值回票價
Chocolate Rain小水滴糖 低糖好味 充滿香港童話的味道
包包食到停唔到口lol
哩度既水杯 甜品杯 茶壺 茶具 全套都係Chocolate Rain系列
鐘意既仲可以買埋番屋企慢慢欣賞
靜靜雞話妳知創辦人Prudence仲會不定期駐場 事事親力親為
而且為人好Nice 竟然帶到愛畫畫既包包拜訪妳
Nice to meet you again!
(另一必影打咭位: 巨型吹氣飛機) 好想帶埋佢番屋企
STEAM
另一邊為靜態區 小朋友可以自由創作參與不同Workshop
年齡較大既小朋友分別可以大玩Creative / STEM WORKSHOP
Creative Workshop分別有布偶工作坊 / 手繪布袋工作坊 / 3D陶瓷Fatina創作工作坊等
最特別莫過於衣車縫紉工作坊 更有機會由Prudence親自教班 (*適合12歲以上小朋友)
至於STEM Workshop 創新工作坊 分別有AR填色冊工作坊 / 電磁積木工作坊 / 木頭機械人工作坊
下次一於試玩下先
小女孩大愛既扮靚靚油指甲工作坊
聽店長講Join workshop既小朋友 仲有小禮物送~
場內仲有好多Chocolate Rain精品 絕對係為左鐘意Shopping 既媽媽們而設
HAPPY SHOPPING
Chocolate Rain Forest
地址：將軍澳唐德街9號 (將軍澳中心) 地下G32號舖
原來出年就係Chocolate Rain成立20週年 期待Prudence更強創作
