【香港消息】歐倩怡日前現身香港電台做錄音節目，分享照顧子女心得。她現時育有1子1女，剛好湊成一個「好」字，大仔郭令山5歲，細女郭以雅歲半。節目開始前，歐倩怡樂談親子趣事，她稱郭晉安（安仔）趁自已不在家時，兩父子經常浸浴，趁機進行性教育。
倩怡稱：「大仔2歲時一家人一齊去游水，因有好多沙好唔舒服，索性成家一齊沖水。（趁機進行性教育？）係呀！早小小被佢（大仔）知，了解女性同男性長大後既FIGURE係點，唔好覺得異性身體係一個禁忌。」
大仔曾經好奇：「媽媽點解會有毛既?」歐倩怡不諱言:「生理自然成長，人長大至青春期自然會有，腋下都會有，比如爸爸都有好多腳毛。大仔又成日展示俾我睇，話先自己已經有小小腳毛，有小小大個啦！」
談及母親節如何慶祝，倩怡憶述上年母親節因工作而出埠，安仔則為倩怡拍了一段溫情短片，「關於子女親手製作心形藍莓醬三文治，仔女話媽媽送比你架！母親節快樂！所以，母親節要爸爸識做，其實，好簡單一段短片都可以好sweet!」倩怡甜滋滋地說。
最終短片竟「爆笑」完結，倩怡笑占:「阿仔話媽咪既然唔係香港，三文治會變壞，我幫你食左佢。其實，而定ｄ細路好古靈精怪，估唔到講說話好大人，平日相處唔會當佢５歲小孩，而當佢係一個朋友。」
