親子遊 Archives - BK Milk ‧ 親子語
 

Posted on July 17, 2018 By

六月尾,Wilma媽完成了首次的一家三口親子遊。

一直希望為旅行拍一些美拍,但我技術不好,老公更糟糕。所以在出發華欣前兩星期就突發奇想,找當地的攝影師操刀。

Pete是我在Facebook偶爾找到的,在他鏡頭下,妻子和兒子都太可愛了,風格自然溫馨,構圖也很好,就大膽Inbox了他的專頁請他報價。

由於收費便宜得嚇人(我希望他將來收貴一點點才對得住這些照片),我們就相約了在我家旅程的第三天碰面了。拍攝當天,只見他汗流挾背的果斷的幫我們拍了很多,彷彿在他心中已有了他想要的影像。Pete帶我們走訪我們住的酒店、沙灘、文青商場Seenspace、Cafe(我們兩家人一同渡過了愉快的午餐時光),最後就駕車送我們回酒店。為了為我們拍照,他更早一天就帶著妻子和孩子來華欣住上一天呢!

遇上他們一家,亦是我們首個親子旅遊最好的一部分。

今天收到期待已久的華欣旅行照,全套照片我們都太喜歡。Pete為我們拍了超過700張照片,我這裡就精選一點跟大家分享吧。

 

 

 

 

 

 

 

 

 

 

  

  

  

  

先不說他敬業的態度,就他一個曼谷攝影師特意駕幾個小時車來華欣,而且更因一個小意外特意第二天再多費六小時來回給我們重拍,這一切也讓我們感受到他的用心和專業。

如果大家將會去泰國旅遊,Wilma媽真的萬分推介Pete作為你的攝影師,他的作品定不會令你失望!至於價錢,由於太便宜了,不想在這裡公開說,希望他有點加價的空間(可以透露三小時的拍攝可能比一張往布吉機票還划算。)如果有興趣的可以inbox Wilma媽或Pete。

The Ourarterys Photography

 


Posted on July 14, 2018 By

雖然小小豬都仲有半個月先開始放暑假,不過佢都已經開始大玩特玩,每一日唔去玩都唔安樂。咁…其實都已經係學期尾,平日又冇乜功課,去玩都係好正常事,始終小朋友就係需要去玩嘛!

今個週未佢就真係玩得超興奮,因為帶佢參加嘉湖海逸酒店為暑假推出嘅「嘉湖夏逸AR體驗親親大自然」,有玩水之餘又可以來一個AR大自然之旅添~

嚟住酒店就當然房間都係一個重要一環,所以我地CHECK-IN之後就即刻到房間望望兼休息一下。我地今次入住嘅房間係屬於DELUXE PARKVIEW(需另加 $250),整體上房間都OK幾舒服~

由房間望出去個VIEW都唔錯,景觀都好開揚,而且仲可以望到公園同游池添~

休息一陣,小小豬都已經急不及待要去玩,我地第一站就係去整BEAR BEAR銅鑼燒啦~

銅鑼燒其實我地間中都有係屋企整,不過次次都係我整俾兩位老細食,難得今次大會一早準備好晒所有份量,又有哥哥姐姐教,所以就全權交俾小小豬負責啦~

就係因為份量材料一早預備好,所以小小豬都係依指示一步步咁整,所以佢都話….原來都係好簡單~

終於嚟到最困難部分(就係煎),由於小小豬屬於七歲以上組別,所以可以自己煎(七歲以下小朋友依個部分就會由職員代為負責)。初時佢都真係冇乜信心,最後佢就要求姐姐要一路陪住整,就係咁佢嘅BEAR BEAR都煎得唔錯呀(其實……都係姐姐功勞…哈哈哈)~

煎好銅鑼燒就可以佈置個BEAR BEAR樣,之後塗埋CREAM同生果就完成啦~

小小豬個製成品都唔錯,起碼都見到係一個BEAR BEAR….哈哈哈~

整好晒就當然要即刻食左佢啦,其實味道都係其次,最重要係小小豬一手一腳去整,佢都不知幾有滿足感,不停讚好味添~

當然….小小豬一心嚟都係為左個玩4項酒店水上遊戲設施,包括水上滑梯、水上碰碰船、水槍大戰同城堡彈彈床(小朋友可以係5個遊戲中任選其4,每個戶外水上遊戲限時10分鐘),所以整完銅鑼燒之後就即刻跑上房間換泳衣,之後就開始佢嘅放電工程啦!論鐘意程度就一定係依個水上滑梯,小小豬話中間有少少波浪,所以超刺激,佢仲連玩左五六轉,真係辛苦晒各位哥哥嘅照顧了~

睇依隻豬仔笑得咁開心,就知佢有幾鐘意玩水啦…哈哈哈~


玩完滑梯就嚟水槍大戰,依一PART我地大人真係好危險,兩個仔係追住我地嚟射,為左我部相機著想,都係回避下安全啲,所以我地就遠觀佢地玩啦~

最後就嚟玩下碰碰船啦~

原本以為佢地玩完水就一定好攰,點知原來仲有大量精力(點解佢地精力咁旺盛),所以我地就再去玩AR遊戲啦!每位參加左依個套餐嘅小朋友都可以得到遊戲單張一份~

我地家長們就先下載有關程式~

之後就可以係酒店五個唔同地方,SCAN個場景就可以有小動物出嚟,唔好以為只係睇短片咁簡單,係片段中係會有小動物教我地學習保護大自然資訊呀~

睇晒五個AR,就可以回答同短片中有關問題~

回答晒問題就可以有一份小禮物啦~

玩左成日各位大小朋友終於都攰,所以我地就食自助晚餐,之後小朋友們就去玩一陣小朋友俱樂部就乖乖瞓覺覺豬啦。

瞓醒就當然食一個豐富早餐~

食飽飽就當然爭取時間繼續玩,所以我地就去左酒店泳池游過痛快。但原來依個酒店泳池係唔可以影相,所以我地就只好乖乖聽話,純享受玩水啦。
話咁快兩日一夜活動又完結,你問小小豬佢就一定係話鐘意(因為有得玩嘛)。但其實我自己都幾享受,簡簡單單咁HEA遊兩日充充電都係一見嘗心悅目嘅事嚟呀!

「嘉湖夏逸AR體驗親親大自然」套餐:
. 標準客房住宿一晚
. 紐約紐約國際美食自助早餐
. 親子AR體驗大自然之旅
. 神秘禮物(每位小童乙份)
. 戶外水上遊戲四項
. “Bear啤”鮮果銅鑼燒製作班(乙節)
. 免費使用室外游泳池、健身室、蒸氣浴、桑拿浴、小朋友俱樂部及戶外遊樂場

Website:https://www.harbour-plaza.com/resortcity/SpecialOffer-summer2018-tc.htm
Facebook:https://www.facebook.com/HarbourPlazaResortCityHK/ 

 

 
© Baby-Kingdom.com Limited. All rights reserved.