究竟小朋友點先可以瞓得好？相信好多家長都經驗十足。

（抱得多會難湊D？從來都不適合用係我地身上。BB絕大多數都鐘意貼住媽咪瞓，以獲取安全感）

成日都聽到唔少過來人／旁人分享小朋友瞓得好既經驗，方法有十萬八千種。對我而言，小生命黎到一個陌生既環境，需要十足既安全感，當我有能力去滿足佢既基本需要，作為媽咪既我會不遺餘力咁配合。

每個小朋友性格都係獨一無二，用咩方法先最適合自己既小朋友？一定要靠家長同子女慢慢磨合，外人提供既經驗唔一定適合你地。

而我既選擇係 － 順應小孩子既發展需要走

要瞓得好有四大要素

一、每天有足夠的運動量，消耗體力；

二、健康及均衡飲食，減少甜食；

三、設定睡前活動模式，作為小朋友準備瞓覺既提示；

四、制定飲食作息時間表，必須遵循，當中必須包括午睡時間。

育兒向來說易行難，小孩成長速度快，言而睡眠週期轉變更快。家長要經常根據自己小朋友既情況作出調整，齊齊一覺到天光！