小朋友成長時,都會面對好多唔同既問題!

父母如果同佢地講"你而家面對既事,我地都曾經遇過!",其實佢地未必明白. 所以,我盡可能陪佢地共同經歷"多一次"!

例如,我囝囝萬帥本身比較怕係人前表演,佢N班畢業禮,驚到冇上台.的確,我好失望,所以係同一年,我比佢去行CATWALK!果年聖誕,要佢扮聖誕樹行CATWALK,當然佢唔敢,怕比人望.而我,決定比佢扮得更誇張地一齊行!

希望佢見到我都唔驚,仲咁有自信,都可以得到自信心!最後,我地兩棵聖誕樹演出相當成功,萬帥仲擺到POSE!佢好享受果次同我行CATWALK既經歷!

到萬帥大D,佢開始怕輸,我就同佢報親子田徑比賽,陪佢一齊輸! 輸左之後,我表現得好ENJOY個比賽,萬帥都冇喊,我有解釋佢聽, 比賽中可能有幾十人,但嬴既得三個甚至得一個,好多人都會輸,最重要係比賽果時玩得開心!當然,而家佢都怕輸,但佢冇再因為怕輸而唔肯去嘗試,已有好大進步!

小朋友係成長中,得到父母認同,支持同陪伴,可以加強佢地自信心!雙方感情亦會更加好!父母不妨同子女一齊再活一次童年!讓孩子每天笑得好!