Ms Leely 分享 - 想要開心寶寶 先要做個開心爸媽
如果你問一個懷孕中嘅媽媽，最想BB點成長？ 大家都會答「健康快樂」。但到小朋友開始返學，好多家長都將最初嘅 “心願” 變成希望小朋友成為「成功人士」，將物質欲望和金錢當做成功指標。
多數父母都希望提供孩子最好的教育和物質生活，但咁樣做，可以真正令自己和小朋友快樂嗎？Ms Leely 覺得想要開心寶寶，先要做個開心爸媽。
- 分擔伴侶工作 互相溝通
一個家庭裏面爸爸媽媽角色一樣咁重要。現今社會，非常注重平等觀念，爸爸媽媽一齊照顧BB，煮飯、打掃，做到注重生活和工作平衡(Work-Life Balance)，互相尊重，多點溝通，家庭中少左爭吵，BB自然會更快樂。
- 尊重你的孩子 放鬆自己
爸媽請你放鬆一點，唔好要求孩子跟住你嘅方式走！小朋友唔係你嘅附屬品，佢係獨立個體，等他自己決定自己嘅事情。香港很多父母望子成龍，望女成鳳，到了孩子20、30歲還在幫他安排生活。令到自己非常緊張，將自己嘅壓力加於孩子身上，這樣反而適得其反，令到爸媽和寶寶都不快樂！
- 關心孩子成長 開心生活
相比起擔心小朋友是否最聰明，入唔入到好學校，這些都不是最重要的！因為20年後應該很多東西都被人工智能取代了。爸媽應該教導孩子品格操行，過於急功近利，太多壓力令小朋友厭倦學習，反而抹殺了他們的想像力和創造力，多啲鼓勵和陪伴，去戶外吸收陽光和新鮮空氣，你會發現孩子會更加開心和有自信。
爸爸媽媽想仔女「成功」，但成功不一定帶來幸福，幸福卻可以使你成功。（Achievement doesn’t necessarily lead to happiness, but happiness can cultivate achievement. ）其實開心的事物，通常不需要花錢買，陪伴你嘅小朋友成長，一家人幸福快樂先係最重要！對著寶寶笑一個吧 
️
希望各位爸爸媽媽覺得今次嘅文章有用，多多分享同埋讚好！如果你哋有其他小貼士不妨留言同 Ms Leely 分享一下。
想看更多育兒資訊，請Like 媽媽的Facebook page：Ms Leely & Pbear.
#親子kol
#Babykol
上一頁
