呢個布丁星人最開心就係去曬太陽放電!

你睇下佢奔跑完一餐之後個樣幾咁大滿足!

笑到見牙唔見眼呀~

 

呢到係彭福公園,

有行極都好似冇盡頭咁既草地,

亦有瀡滑梯馬騮架等公園設施,

仲有好多不同種類不同大小既狗狗同小朋友一齊奔跑,

真係好適合帶小朋友黎放電呀~! 

 

彭福公園嚮沙田馬場入面,

交通唔算方便,

主要都係駕車人士去,

亦見有人Call貨van上落。

而草地範圍延伸得好寬,

所以一啲都唔似其他野餐勝地咁擠擁,

所以布丁星人一家都幾喜歡黎呢到奔跑架~

 

提一提大家出發前記得check清楚當日有冇跑馬賽事呀~

有賽事既話公園就唔開放架喇~