我係一個要番工嘅媽咪, 每日放工SO TIRED 嘅時候, 一去媽咪度接阿女番屋企, 即時醒番, 因為見到係佢超甜蜜嘅笑容!

佢見到你時, 會即刻周圍跑周圍跳, 然後一輪追逐後就會撲入我懷裡,伴隨住佢天真爛漫嘅樣子, 跟住就會滔滔不絕跟我講有關今日學校發生咩事呀, 老師點讚我呀, 今日有同學仔同我爭校車位坐呀等等…

由陀佢開始,已經好重視親子關係, 由胎教到佢出世後,我都會成日同佢傾計,同佢笑, 唔知係咪因為咁, 佢生性好樂觀, 有咩發生嘅不如意事, 同佢傾下計佢好容易就笑番~

就算最難最難應付嘅”早上賴床”,趕時間番學嘅時候, 我地都會用由細到大用嘅方法, 用布公仔同佢傾計講笑, 佢就會好快肯醒然後對住公仔講笑話…每天也是HAPPY DAY!

爸爸媽媽只想你永遠健康快樂, 偶爾做下阿燥做下阿愁好正常, 但記住要好快笑番呀~